|    May 24 Thu, 2018 11:19 pm
FLASH NEWS
Home   >  Todays Paper  >  Page 4  >  

കലോല്‍സവത്തിനെത്തിയ വിദ്യാര്‍ഥി നെയ്യാറില്‍ മുങ്ങിമരിച്ചു; മൂന്ന്‌പേര്‍ രക്ഷപ്പെട്ടു

Published : 7th January 2016 | Posted By: G.A.G

നെയ്യാറ്റിന്‍കര: സഹപാഠികളുമായി കലോല്‍സവം കാണാനെത്തിയ എട്ടംഗ സംഘത്തിലെ ഒരു വിദ്യാര്‍ഥി കുളിക്കുന്നതിനിടെ നെയ്യാറിലെ ഒഴുക്കില്‍പെട്ട് മരിച്ചു. മൂന്ന് പേര്‍ രക്ഷപ്പെട്ടു. പോങ്ങുമൂട് മുടന്തിക്കാല ആനന്ദിന്റെയും അംബിയുടെയും മകന്‍ അഭിജിത്ത് ആനന്ദാണ് (17) മരിച്ചത്. കോട്ടുകാല്‍ വിഎച്ച്എസ്എസിലെ പ്ലസ്ടു വിദ്യാര്‍ഥിയാണ്. ബുധനാഴ്ച ഉച്ചയ്ക്ക് ഒരുമണിയോടുകൂടിയായിരുന്നൂ സംഭവം. അഭിജിത്തിന്റെ സുഹൃത്തുകളായ ശിവജിത്ത്, നിഖില്‍, ബികുല്‍ എന്നിവരാണ് രക്ഷപ്പെട്ടത്.

അഭിജിത്ത് എട്ടു സൂഹൃത്തുക്കളുമായി റവന്യൂ ജില്ലാ കലോല്‍സവം കാണാനെത്തിയതായിരുന്നൂ. പിന്നീട് ഉച്ചയ്ക്ക് കൃഷ്ണന്‍ കോവിലിനു സമീപം നെയ്യാറിന്റെ കടവിനരികിലിരുന്ന് ഭക്ഷണം കഴിച്ചശേഷം എല്ലാവരും കുളിക്കാനിറങ്ങി. ഇതില്‍ നാല് പേര്‍ ഒഴുക്കില്‍പ്പെട്ടെങ്കിലും അഭിജിത്ത് ഒഴികെയുളളവര്‍ക്ക് സമീപത്തെ പാറയിലും വളളിയിലും പിടികിട്ടിയതിനാല്‍ രക്ഷപ്പെട്ടു. ഇവരുടെ നിലവിളികേട്ട് എത്തിയ നാട്ടുകാര്‍ അറിയിച്ചതിനെ തുടര്‍ന്ന് പോലിസും ഫയര്‍ഫോഴ്‌സ് അധികൃതരും സ്ഥലത്തെത്തി. മണിക്കൂറുകളോം നടത്തിയ തിരച്ചിലിലാണ് മൃതദേഹം കണ്ടെത്തിയത്. സഹോദരി മധുരിമ.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss