|    Oct 24 Tue, 2017 7:56 am
FLASH NEWS
Home   >  Todays Paper  >  page 12  >  

കലാമണ്ഡലം സുഗന്ധിയ്ക്ക് നൃത്ത- നാട്യ പുരസ്‌കാരം

Published : 24th December 2015 | Posted By: SMR

തിരുവനന്തപുരം: സംസ്ഥാന സര്‍ക്കാരിന്റെ ഈ വര്‍ഷത്തെ സംസ്ഥാന കഥകളി, പല്ലാവൂര്‍ അപ്പു മാരാര്‍, കേരളീയ നൃത്ത-നാട്യ പുരസ്‌കാരങ്ങള്‍ പ്രഖ്യാപിച്ചു. കോട്ടയ്ക്കല്‍ ചന്ദ്രശേഖര വാര്യര്‍ക്കാണ് 2015ലെ സംസ്ഥാന കഥകളി പുരസ്‌കാരം.
പല്ലാവൂര്‍ അപ്പു മാരാര്‍ പുരസ്‌കാരത്തിന് കല്ലൂര്‍ രാമന്‍കുട്ടി മാരാരും കേരളീയ നൃത്ത നാട്യ പുരസ്‌കാരത്തിന് കലാമണ്ഡലം സുഗന്ധിയും അര്‍ഹരായതായി സാംസ്‌കാരിക മന്ത്രി കെ സി ജോസഫ് അറിയിച്ചു.
ഒരു ലക്ഷം രൂപയും ശില്‍പവും പ്രശസ്തിപത്രവും അടങ്ങുന്നതാണ് പുരസ്‌കാരങ്ങള്‍. നാട്യാചാര്യന്‍ വാഴേങ്കട കുഞ്ചുനായരുടെയും കോട്ടയ്ക്കല്‍ കൃഷ്ണന്‍കുട്ടി നായരുടെയും ശിഷ്യനായ കോട്ടയ്ക്കല്‍ ചന്ദ്രശേഖര വാര്യര്‍ക്ക് കേന്ദ്ര-കേരള സംഗീതനാടക അക്കാദമി അവാര്‍ഡുകളും കേരള കലാമണ്ഡലം ഫെലോഷിപ്പും ലഭിച്ചിട്ടുണ്ട്.
ദീര്‍ഘകാലം കോട്ടയ്ക്കല്‍ പിഎസ്‌വി നാട്യസംഘത്തില്‍ അധ്യാപകനായിരുന്നു. ദീര്‍ഘകാലം ഫാക്ട് ഫൈന്‍ ആര്‍ട്‌സ് സ്‌കൂളില്‍ നൃത്താധ്യാപികയായിരുന്ന കലാമണ്ഡലം സുഗന്ധിക്ക് കേന്ദ്ര-സംസ്ഥാന സംഗീതനാടക അക്കാദമി അവാര്‍ഡുകളും കേരള കലാമണ്ഡലം അവാര്‍ഡും ലഭിച്ചിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക