|    Nov 18 Sat, 2017 4:22 am
Home   >  Sports  >  Cricket  >  

കറുത്തവര്‍ക്കും സൗന്ദര്യമില്ലേ ? വര്‍ണവെറിയന്‍മാര്‍ക്കെതിരെ അഭിനവ് മുകുന്ദ്‌

Published : 10th August 2017 | Posted By: ev sports


കൊളംബോ: കറുത്ത നിറക്കാരനായതിന്റെ പേരില്‍ തനിക്ക് നേരിടേണ്ടി വന്ന ദുരനുഭവങ്ങള്‍ പങ്കുവച്ച് ഇന്ത്യന്‍ ക്രിക്കറ്റ് താരം അഭിനവ് മുകുന്ദ്. ട്വിറ്ററിലൂടെയാണ് മുകുന്ദ് തനിക്ക് നേരിടേണ്ടി വന്ന വര്‍ണ വിവേചനത്തെക്കുറിച്ച് ആരാധകരുമായി പങ്കുവച്ചത്്. സൗന്ദര്യമെന്ന് പറഞ്ഞാല്‍ വെളുപ്പ് നിറം മാത്രമല്ലെന്നും തമിഴ്‌നാട് സ്വദേശിയായി അഭിനവ് ട്വിറ്ററില്‍ കുറിച്ചു.
തന്റെ ചെറുപ്പകാലത്തിലെ കൂടുതല്‍ സമയവും ചൂടേറിയ മൈതാനങ്ങളിലായിരുന്നു. ഞാന്‍ വളര്‍ന്നതും കൂടുതല്‍ ചൂട് അനുഭവിക്കുന്ന ചെന്നൈ നഗരത്തിലാണ്. ഒരിക്കല്‍ പോലും വെയിലടിച്ചാല്‍ എന്റെ ചര്‍മം കൂടുതല്‍ കറുത്ത് പോവുമെന്ന് ചിന്തിച്ചിട്ടില്ല. എന്റെ ലക്ഷ്യം മാത്രമായിരുന്നു മനസിലുണ്ടായിരുന്നത്. നന്നായി യാത്ര ചെയ്യാറുള്ള തനിക്ക് പല സ്ഥലങ്ങളില്‍ നിന്നും കറുത്ത നിറത്തിന്റെ പേരില്‍ പരിഹാസത്തിന് ഇരയാകേണ്ടി വന്നിട്ടുണ്ടെന്നും മുകുന്ദ് പറഞ്ഞു. എന്നാല്‍ അതിനെയെല്ലാം താന്‍ ചിരിച്ച്‌കൊണ്ട് തള്ളിക്കളയുകയാണ് ചെയ്തത്. എന്റെ ലക്ഷ്യം എത്തിപ്പിടിക്കാനുള്ള കഠിനാധ്വാനത്തിലായിരുന്നു ഞാന്‍. ഇന്ത്യന്‍ ടീമിനൊപ്പം ടെസ്റ്റ് കളിക്കാന്‍ കഴിയുന്നതില്‍ അഭിമാനമുണ്ടെന്നും മുകുന്ദ് ട്വിറ്ററില്‍ കുറിച്ചു.
ഇപ്പോള്‍ ഇത്തരമൊരു പോസ്റ്റ് ഇട്ടത് ആരുടെയും ശ്രദ്ധ പിടിച്ചുപറ്റാനല്ല. മറിച്ച് കറുത്ത നിറക്കാരോടുള്ള സമൂഹത്തിന്റെ കാഴ്ചപ്പാട് മാറണമെന്ന് അഭ്യര്‍ഥിക്കാനാണ്. നിങ്ങളുടെ നിറത്തെ ഓര്‍ത്ത് സങ്കടപ്പെടാതെ ലക്ഷ്യത്തിലെത്താന്‍ സത്യസന്ധമായി പരിശ്രമിക്കാനും അഭിനവ് കൂട്ടിച്ചേര്‍ത്തു. ശ്രീലങ്കയ്‌ക്കെതിരായ ടെസ്റ്റ് പരമ്പരയിലെ ഇന്ത്യന്‍ ടീമില്‍ അംഗമായിട്ടുള്ള മുകുന്ദിന് ടീമിന്റെ ഉള്ളില്‍ നിന്ന് ഇത്തരം അനുഭവങ്ങള്‍ നേരിട്ടിട്ടുണ്ടോ എന്ന് വ്യക്തമല്ല.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക