|    Aug 20 Mon, 2018 1:01 pm
FLASH NEWS
Home   >  Todays Paper  >  page 7  >  

കര്‍ഷക പ്രക്ഷോഭം : കോണ്‍ഗ്രസ് നേതാക്കളെയും ഹര്‍ദിക് പട്ടേലിനെയും പോലിസ് തടഞ്ഞു

Published : 14th June 2017 | Posted By: fsq

 

രത്‌ലം/നീമുച്: മധ്യപ്രദേശില്‍ കര്‍ഷകപ്രക്ഷോഭം തുടരുന്ന മന്‍സോറില്‍ സമരക്കാര്‍ക്ക് അഭിവാദ്യമര്‍പ്പിക്കാന്‍ യാത്രതിരിച്ച കോണ്‍ഗ്രസ് നേതാക്കളായ ജോതിരാദിത്യ സിന്ധ്യ, കാന്തിലാല്‍ ഭൂരിയ, ഗുജറാത്തിലെ പട്ടേല്‍ സംവരണ സമര നേതാവ് ഹര്‍ദിക് പട്ടേല്‍ എന്നിവരെ പോലിസ് അറസ്റ്റ്‌ചെയ്തു നീക്കി. രത്‌ലമിലെ നയാഗോണ്‍ ജഓറ ടോള്‍ ബൂത്തില്‍ വച്ചാണ് ഇവര്‍ അറസ്റ്റിലായത്. കോണ്‍ഗ്രസ് എംഎല്‍എ മഹേന്ദ്രസിങ് കാലുഖേദയെയും നിരവധി പാര്‍ട്ടി പ്രവര്‍ത്തകരെയും മധ്യപ്രദേശ് പോലിസ് അറസ്റ്റുചെയ്തു നീക്കി. കരുതല്‍ നടപടിയെന്ന നിലയില്‍ ക്രിമിനല്‍ നടപടിച്ചട്ടം 151ാംവകുപ്പ് പ്രകാരമാണ് അറസ്റ്റെന്ന് സിറ്റി പോലിസ് സൂപ്രണ്ട്(സിഎസ്പി)ദീപക് ശുക്ല പറഞ്ഞു. മന്‍സോറില്‍ 144ാംവകുപ്പ് പ്രഖ്യാപിച്ചിരുന്നതായി കോണ്‍ഗ്രസ് നേതാക്കളോട് പറഞ്ഞിരുന്നെന്നും എന്നാല്‍, അവര്‍ നിരോധനാജ്ഞ ലംഘിക്കാന്‍ ശ്രമിച്ചതായും രത്‌ലം എസ്പി അമിത് സിങ് പ്രതികരിച്ചു. നീമുച് ജില്ലയിലെ നയാഗാവിലാണ് ഹര്‍ദിക് പട്ടേലിനെ മധ്യപ്രദേശ് പോലിസ് അറസ്റ്റ് ചെയ്തത്. അറസ്റ്റിനു ശേഷം ജാമ്യത്തിലിറങ്ങിയ ഹര്‍ദികിനേയും കത്യാറിനേയും പോലിസ് ജീപ്പില്‍ സംസ്ഥാനഅതിര്‍ത്തി കടത്തിവിട്ടതായും ദിവാന്‍ അറിയിച്ചു. അതേസമയം കര്‍ഷക പ്രക്ഷോഭത്തിനിടെ പോലിസ് സ്‌റ്റേഷന്‍ കത്തിക്കാന്‍ ജനങ്ങളെ പ്രേരിപ്പിച്ചതിന് കോണ്‍ഗ്രസ് എംഎല്‍എ ശകുന്തള ഖതിക്കിനെതിരേ കേസെടുത്തു. പോലിസ് സ്‌റ്റേഷന് തീവയ്ക്കാന്‍ എംഎല്‍എ ആഹ്വാനം ചെയ്യുന്ന വീഡിയോ ദൃശ്യങ്ങള്‍ സമൂഹമാധ്യമങ്ങളില്‍ വൈറലായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss