|    Nov 16 Fri, 2018 9:33 pm
FLASH NEWS

കര്‍ഷകര്‍ക്കു ഗുണം ചെയ്യാതെ മഞ്ഞള്‍

Published : 15th March 2018 | Posted By: kasim kzm

ഇടുക്കി: ഉയര്‍ന്ന ഗുണനിലവാരം കൊണ്ട് പ്രശസ്തി നേടിയ ഇടുക്കിയിലെ മഞ്ഞളിനു മുല്യത്തിനൊത്ത വില ലഭിക്കുന്നില്ല. ഇതോടെ മഞ്ഞള്‍ കൃഷികൊണ്ട് ഗുണം കിട്ടാത്ത നിലയിലാണ് കര്‍ഷകര്‍. എണ്ണയുടെ അളവ് കൂടുതലുണ്ടായിരുന്നത് കൊണ്ടാണ് ഹൈറേഞ്ചില്‍ ഉല്‍പാദിപ്പിച്ചിരുന്ന മഞ്ഞളിന് വില കൂടുതല്‍ ലഭിച്ചിരുന്നത്.
എന്നാല്‍ കുറെ വര്‍ഷങ്ങളായി എടുക്കാനാളില്ലാത്തതിനാല്‍ ഹൈറേഞ്ചിലെ മഞ്ഞളിന്റെ മാറ്റ് കുറഞ്ഞു. ഉണങ്ങിയ മഞ്ഞള്‍ കിലോയ്ക്ക് 100 രൂപയും പച്ച മഞ്ഞളിന് 12 മുതല്‍ 15 രൂപ വരെയുമാണ് ഇപ്പോഴത്തെ വില. അഞ്ച് വര്‍ഷം മുന്‍പ് വരെ ഉണങ്ങിയ മഞ്ഞളിന് 200 രൂപ വരെ വിലയുണ്ടായിരുന്നു.
എണ്ണമയം കുറഞ്ഞ തമിഴ്‌നാട് മഞ്ഞള്‍ ഇതിന്റെ പകുതി വിലയ്ക്ക് ലഭിക്കുമെന്നതിനാലാണ് ഇടുക്കിയിലെ മഞ്ഞളിന്റെ പേരും പെരുമയും നഷ്ടമാവാന്‍ കാരണമെന്നാണ് വ്യാപാരികള്‍ പറയുന്നത്.
സൗന്ദര്യ വര്‍ധക വസ്തുക്കളുടെ നിര്‍മാണത്തിന് കൃത്രിമ രാസവസ്തുക്കള്‍ ഉപയോഗിക്കാന്‍ തുടങ്ങിയതോടെ മഞ്ഞളിന്റെ ഡിമാന്‍ഡ് നഷ്ടപ്പെട്ടു.
തമിഴ്‌നാട്ടില്‍ നിന്നുള്ള വില കുറഞ്ഞ മഞ്ഞളാണ് പൊടി നിര്‍മാണത്തിനും വ്യാപകമായി ഉപയോഗിക്കുന്നത്. വില കുറഞ്ഞതോടെ മലയോരങ്ങളില്‍ നിന്നും മഞ്ഞള്‍ കൃഷിയും അപ്രത്യക്ഷമായി. മഞ്ഞള്‍ കൃഷിക്ക് പറ്റിയ കാലാവസ്ഥയും മണ്ണുമാണ് ഹൈറേ!ഞ്ചിലെങ്കിലും വ്യവസായിക അടിസ്ഥാനത്തില്‍ മഞ്ഞള്‍ കൃഷി ചെയ്യാന്‍ ആരും തയ്യാറാവുന്നില്ല.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss