|    Nov 13 Tue, 2018 10:58 am
FLASH NEWS
Home   >  Todays Paper  >  page 7  >  

കര്‍ണാടക സര്‍ക്കാരിനെ അസ്ഥിരപ്പെടുത്താന്‍ ബിജെപി ശ്രമം: കോണ്‍ഗ്രസ് എംപി

Published : 9th September 2018 | Posted By: kasim kzm

ബംഗളൂരു: ബിജെപിയുടെ കേന്ദ്ര-സംസ്ഥാന നേതൃത്വങ്ങള്‍ കര്‍ണാടകയിലെ കോണ്‍ഗ്രസ്-ജനതാദള്‍ സര്‍ക്കാരിനെ അസ്ഥിരപ്പെടുത്താന്‍ ശ്രമിക്കുകയാണെന്നു കോണ്‍ഗ്രസ് എംപി ഡി കെ സുരേഷ്. താനും സഹോദരന്‍ മന്ത്രി ഡി കെ ശിവകുമാറും അദ്ദേഹത്തിന്റെ സഹായികളും ചേര്‍ന്നു ക്രമക്കേടുകളും അഴിമതിയും നടത്തിയെന്ന് ആരോപിച്ച് അന്വേഷണം ആവശ്യപ്പെട്ട് ബിജെപി സംസ്ഥാന അധ്യക്ഷന്‍ വൈ എസ് യെദ്യൂരപ്പ കേന്ദ്ര പ്രത്യക്ഷ നികുതി ബോര്‍ഡ് ചെയര്‍മാന്‍ സുശീല്‍ ചന്ദ്രയ്ക്ക് കത്തയച്ചുവെന്ന് അദ്ദേഹം പറഞ്ഞു. കത്തിന്റെ പകര്‍പ്പ് സുരേഷ് പുറത്തുവിടുകയും ചെയ്തു. എന്നാല്‍ കത്ത് കെട്ടിച്ചമച്ചതാണെന്നാണു യെദ്യൂരപ്പ പ്രതികരിച്ചത്. ഗുജറാത്തില്‍ രാജ്യസഭാ തിരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ഥി അഹ്മദ് പട്ടേല്‍ ജയിക്കുകയും ബിജെപി തോല്‍ക്കുകയും ചെയ്തതിനു ശേഷം തന്നെയും സഹോദരനെയും ബിജെപി ലക്ഷ്യംവയ്ക്കുകയാണെന്നു സുരേഷ് പറഞ്ഞു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss