|    Jun 22 Fri, 2018 3:08 pm
FLASH NEWS
Home   >  Todays Paper  >  page 7  >  

കര്‍ണാടക: മന്ത്രിസ്ഥാനം നികത്തുന്നത് രാഹുലുമായി ചര്‍ച്ച ചെയ്യും- ഖാര്‍ഗെ

Published : 11th June 2018 | Posted By: kasim kzm

ബംഗളൂരു: കര്‍ണാടകയില്‍ ഒഴിവുള്ള ആറു മന്ത്രിസ്ഥാനങ്ങള്‍ നികത്തുന്നതു സംബന്ധിച്ച് കോണ്‍ഗ്രസ് അധ്യക്ഷന്‍ രാഹുല്‍ഗാന്ധിയുമായി താന്‍ ചര്‍ച്ച ചെയ്യുമെന്നു പാര്‍ട്ടിയുടെ ലോക്‌സഭയിലെ നേതാവ് മല്ലികാര്‍ജുന്‍ ഖാര്‍ഗെ.
കോണ്‍ഗ്രസ്സിലെ വിമത പ്രവര്‍ത്തനം തടയുന്നതിന്റെ ഭാഗമായിട്ടാണിതെന്ന് അദ്ദേഹം പറഞ്ഞു.
കോണ്‍ഗ്രസ്-ജെഡിഎസ് സര്‍ക്കാരില്‍ കോണ്‍ഗ്രസ്സിനനുവദിച്ച മന്ത്രിസ്ഥാനങ്ങളില്‍ ആറെണ്ണം ഒഴിഞ്ഞുകിടക്കുകയാണ്. മന്ത്രിസ്ഥാനം കിട്ടാത്ത എംഎല്‍എമാരില്‍ ചിലര്‍ പാര്‍ട്ടിയില്‍ കലാപം തുടരുകയാണ്. മന്ത്രിസ്ഥാനം ലഭിക്കാത്തതില്‍ എം സി പാട്ടീലും സതീഷ് ജര്‍കിഹോളിയും പരസ്യമായി നിരാശ പ്രകടിപ്പിക്കുന്നുണ്ട്.
പദവി ലഭിക്കാത്ത റോഷന്‍ ബെയ്ഗ്, എന്‍ എ ഹാരിസ്, രാമലിംഗ റെഡ്ഡി, എച്ച് കെ പാട്ടില്‍ എന്നിവരും അതൃപ്തരാണ്. കോണ്‍ഗ്രസ്സിന് 22 മന്ത്രിസ്ഥാനങ്ങളാണ് ലഭിച്ചത്. ഇതില്‍ ആറെണ്ണം നികത്തിയിട്ടില്ല. സഖ്യകക്ഷിയായ ജെഡിഎസിന് 12 മന്ത്രിപദമാണ് കിട്ടിയത്. ഇതില്‍ ഒരെണ്ണം നികത്തിയിട്ടില്ല.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss