|    Feb 24 Sat, 2018 12:00 pm
FLASH NEWS

കരേറ്റ പാലം പ്രവൃത്തി പാതിവഴിയില്‍ ഉപേക്ഷിച്ചു

Published : 20th December 2017 | Posted By: kasim kzm

മട്ടന്നൂര്‍: വളവുപാറ-തലശ്ശേരി റോഡിലെ പാലങ്ങള്‍ ലോക ബാങ്കിന്റെ സഹായത്തോടെ പുതുക്കിപ്പണിയുന്ന പ്രവൃത്തി പുരോഗമിക്കുമ്പോള്‍ കരേറ്റ പാലത്തിന്റെ പ്രവൃത്തി പാതിവഴിയില്‍ ഉപേക്ഷിച്ചു. തലശ്ശേരി മുതല്‍ കുട്ടുപുഴ വരെ ഏഴു പാലങ്ങള്‍ പുതുതായി നിര്‍മിക്കാനാണ് കരാര്‍ നല്‍കിയത്. എന്നാല്‍, ഒരുവര്‍ഷം മുമ്പ് കരേറ്റയില്‍ പാലം നിര്‍മിക്കാന്‍ വേണ്ടി നടത്തിയത് തൊട്ടടുത്ത സ്ഥലത്തെ മണ്ണുമാറ്റല്‍ പ്രവൃത്തി മാത്രം. കരാര്‍ കമ്പനി പിന്നെ ഈ ഭാഗത്തേക്ക് തിരിഞ്ഞുനോക്കിയില്ല. കരേറ്റയ്ക്ക് സമീപത്തെ മെരുവമ്പായി പാലം നിര്‍മാണം ഇതിനകം തന്നെ പൂര്‍ത്തിയാക്കി. എരഞ്ഞോളി, കളറോഡ്, ഉളിയില്‍, ഇരിട്ടി, കുട്ടുപുഴ തുടങ്ങിയ സ്ഥലങ്ങളിലാണ് ഇപ്പോള്‍ പ്രവൃത്തി പുരോഗമിക്കുന്നത്. മട്ടന്നൂര്‍ നഗരസഭയെയും മാങ്ങാടിടം പഞ്ചായത്തിനെയും ബന്ധിപ്പിക്കുന്ന കരേറ്റ പാലം മറ്റു പാലങ്ങളെ അപേക്ഷിച്ച് ചെറുതാണ്. നീര്‍വേലിയിലും കരേറ്റ പാലത്തിന് അടുത്തുമുള്ള കലുങ്കുനിര്‍മാണ പ്രവൃത്തി നടന്നുവരികയാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss