|    Nov 19 Mon, 2018 12:32 pm
FLASH NEWS
Home   >  Todays Paper  >  page 7  >  

കരുണ മെഡിക്കല്‍ കോളജ് പുതിയ ബെഞ്ച് തിങ്കളാഴ്ച വാദം കേള്‍ക്കും

Published : 28th July 2018 | Posted By: kasim kzm

ന്യൂഡല്‍ഹി: കണ്ണൂര്‍, കരുണ മെഡിക്കല്‍ കോളജുകളിലെ പ്രവേശനം റദ്ദാക്കിയതുമായി ബന്ധപ്പെട്ട ഹരജികള്‍ തിങ്കളാഴ്ച ഉചിതമായ ബെഞ്ച് കേള്‍ക്കുമെന്ന് സുപ്രിംകോടതി.
ഹരജി ഇന്നലെ പരിഗണിക്കാനായി ലിസ്റ്റ് ചെയ്തിരുന്ന ജസ്റ്റിസുമാരായ എ എം സപ്രെ, യു യു ലളിത് എന്നിവരുടെ ബെഞ്ച് ഹരജി അടിയന്തരമായി പരിഗണിക്കണമെന്ന വിദ്യാര്‍ഥികളുടെ ആവശ്യം നിരസിക്കുകയായിരുന്നു. ഇതേത്തുടര്‍ന്നു വിഷയം മറ്റൊരു ബെഞ്ചിലേക്ക് മാറ്റാന്‍ ബെഞ്ച് നിര്‍ദേശിക്കുകയായിരുന്നു. ചൊവ്വാഴ്ച പരീക്ഷ ആരംഭിക്കാനിരിക്കെയാണു ഹരജി അടിയന്തരമായി പരിഗണിക്കണമെന്ന വിദ്യാര്‍ഥികളുടെ ആവശ്യം പരിഗണിച്ചാണ് കോടതി നടപടി.
പ്രവേശന നടപടികളിലെ ക്രമക്കേടിന്റെ പേരില്‍ കണ്ണൂര്‍, കരുണ മെഡിക്കല്‍ കോളജുകളിലെ 180 വിദ്യാര്‍ഥികളെ പുറത്താക്കാനുള്ള സുപ്രിംകോടതി വിധി മറികടക്കാന്‍ സംസ്ഥാനസര്‍ക്കാര്‍ ഓര്‍ഡിനന്‍സ് ഇറക്കിയിരുന്നു. ഇതിനു പിന്നിലെ അഴിമതിയെക്കുറിച്ച് കേന്ദ്ര ഏജന്‍സിയായ സിബിഐ അന്വേഷിക്കണമെന്നാവശ്യപ്പെട്ട് പാലക്കാട് സ്വദേശി രംഗോരത്ത് ഗോകുല്‍ പ്രസാദും പഠനം തുടരാന്‍ അനുവദിക്കണമെന്നാവശ്യപ്പെട്ട് വിദ്യാര്‍ഥികളും നല്‍കിയ ഹരജികളാണ് കോടതി പരിഗണിക്കുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss