|    Nov 19 Mon, 2018 12:31 pm
FLASH NEWS
Home   >  Todays Paper  >  Page 1  >  

കരുണാനിധിയുടെ ആരോഗ്യനിലയില്‍ നേരിയ മാറ്റം

Published : 31st July 2018 | Posted By: kasim kzm

ചെന്നൈ: ഡിഎംകെ അധ്യക്ഷന്‍ എം കരുണാനിധിയുടെ ആരോഗ്യനിലയില്‍ നേരിയ മാറ്റം ദൃശ്യമായെന്ന് ആശുപത്രി അധികൃതര്‍. ആല്‍വാര്‍പേട്ടിലെ കാവേരി ആശുപത്രി അധികൃതര്‍ പുറത്തിറക്കിയ മെഡിക്കല്‍ ബുള്ളറ്റിലാണ് ഇക്കാര്യം വ്യക്തമാക്കുന്നത്.
ചികില്‍സയോടു ചെറിയതരത്തില്‍ ശരീരം പ്രതികരിച്ചുതുടങ്ങിയെന്നും ഇവര്‍ അറിയിച്ചു. എന്നാല്‍, ആശാവഹമായ മാറ്റമൊന്നും ആയിട്ടില്ല. കരുണാനിധിയെ എന്‍സിപി അധ്യക്ഷന്‍ ശരത്പവാര്‍ ഉള്‍പ്പെടെയുള്ളവര്‍ ഇന്നലെ സന്ദര്‍ശിച്ചു. ശ്രീലങ്കന്‍ സര്‍ക്കാരിന്റെ പ്രതിനിധികള്‍ ആശുപത്രിയിലെത്തി പ്രസിഡന്റ് മൈത്രിപാല സിരിസേനയുടെ ആശംസാപത്രം മകന്‍ എം കെ സ്റ്റാലിന് കൈമാറി.
ഇന്നലെ രാവിലെ തമിഴ്‌നാട് മുഖ്യമന്ത്രി പളനിസ്വാമി, ഉപമുഖ്യമന്ത്രി പന്നീര്‍സെല്‍വം എന്നിവര്‍ കരുണാനിധിയെ കണ്ടു. തമിഴ്‌നാട്ടിലെ വിവിധ സ്‌കൂളുകളില്‍ ഇന്നലെയും കരുണാനിധിയുടെ രോഗശമനത്തിനു വേണ്ടി വിദ്യാര്‍ഥികളുടെ സമൂഹപ്രാര്‍ഥന നടന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss