|    Oct 20 Fri, 2017 10:56 am
FLASH NEWS
Home   >  Todays Paper  >  page 9  >  

കരുണയ്ക്കായി യാചിക്കുന്ന ഖദ്ദാഫിയുടെ അവസാന നിമിഷ വീഡിയോ പുറത്ത്

Published : 7th February 2016 | Posted By: SMR

ട്രിപ്പോളി: ലിബിയന്‍ ആഭ്യന്തരസംഘര്‍ഷത്തില്‍ കൊല്ലപ്പെട്ട ഏകാധിപതി മുഅമ്മര്‍ അല്‍ ഖദ്ദാഫി മരണത്തിനു തൊട്ടുമുമ്പ് ജീവനുവേണ്ടി യാചിക്കുന്ന ദൃശ്യങ്ങള്‍ പുറത്ത്.
പലായനം ചെയ്യാന്‍ ശ്രമിക്കുന്നതിനിടെ വിമതസേനയുടെ പിടിയിലായ ഖദ്ദാഫി തന്നെ വധിക്കരുതെന്നു യാചിക്കുന്ന ദൃശ്യങ്ങളാണ് ബിബിസി പുറത്തുവിട്ടത്. രക്തത്തില്‍ കുളിച്ചുകിടക്കുന്ന ഖദ്ദാഫിയും ആയുധധാരികളായ വിമത സേനാംഗങ്ങളുമാണ് വീഡിയോയില്‍ ഉള്ളത്.
ഒരാള്‍ ഖദ്ദാഫിയുടെ തലയ്ക്കു നേരെ തോക്കുചൂണ്ടി നില്‍ക്കുന്നതും ഖദ്ദാഫി തന്നെ വെടിവയ്ക്കരുതെന്ന് അപേക്ഷിക്കുന്നതും വീഡിയോയില്‍ കാണാം. അയ്മന്‍ അല്‍മാനി എന്ന പ്രക്ഷോഭകാരി മൊബൈല്‍ ഫോണില്‍ പകര്‍ത്തിയ ദൃശ്യങ്ങളാണിവ. ഇസ്‌ലാമിന് നിരക്കാത്ത കാര്യങ്ങളാണ് ഖദ്ദാഫി ചെയ്തത്. അയാള്‍ മരണം അര്‍ഹിച്ചിരുന്നുവെന്നാണ് അയ്മന്‍ പറയുന്നത്. തടവുകാരോട് മാന്യമായി പെരുമാറണമെന്നും വിദ്വേഷം മനസ്സില്‍ സൂക്ഷിക്കരുതെന്നുമാണ് ഇസ്‌ലാം പഠിപ്പിക്കുന്നത്. പലരും ജന്മനാട്ടില്‍ നിന്നു നാടുകടത്തപ്പെട്ടു.
അതിന്റെയെല്ലാം ഫലം തന്നെയാണ് അയാള്‍ അനുഭവിച്ചത്- അയ്മന്‍ കൂട്ടിച്ചേര്‍ത്തു. ലിബിയന്‍ രാജഭരണത്തെ 1969ല്‍ പട്ടാള അട്ടിമറിയിലൂടെ അട്ടിമറിച്ച ഖദ്ദാഫി 42 വര്‍ഷക്കാലമാണ് ലിബിയയെ അടക്കിഭരിച്ചത്.
ഏകാധിപതിയായ ഖദ്ദാഫിയുടെ ജനദ്രോഹനടപടികളില്‍ ഉടലെടുത്ത നീണ്ട ആഭ്യന്തരകലാപം ഒടുവില്‍ ഖദ്ദാഫി യുഗത്തിന് അന്ത്യം കുറിക്കുകയായിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക