|    Jan 24 Tue, 2017 4:52 pm
FLASH NEWS

കരിപ്പൂര്‍ വിമാനത്താവളം റണ്‍വേ റീ-കാര്‍പറ്റിങ്;  പ്രവൃത്തികള്‍ നിര്‍ത്തി

Published : 22nd May 2016 | Posted By: SMR

കരിപ്പൂര്‍: കരിപ്പൂര്‍ വിമാനത്താവള റണ്‍വെ റീ-കാര്‍പ്പറ്റിങ് പ്രവൃത്തികള്‍ നിര്‍ത്തിവച്ചു. വേനല്‍ മഴ നേരത്തെ ശക്തിയായതിനാലാണ് റണ്‍വെ നവീകരണത്തിലെ ടാറിങ് പ്രവൃത്തികള്‍ നിര്‍ത്തലാക്കിയത്. എന്നാല്‍, റണ്‍വെയുടെ അനുബന്ധ പ്രവൃത്തികള്‍ നടത്തുന്നതിനാല്‍ ഉച്ചയ്ക്ക് 12 മുതല്‍ രാത്രി 8 വരെ വിമാനങ്ങള്‍ക്കുള്ള നിയന്ത്രണങ്ങള്‍ തുടരും.
റണ്‍വെയുടെ മൂന്നാംഘട്ട ടാറിങ് പ്രവൃത്തികളാണ് പൂര്‍ത്തിയായി വരുന്നത്. മഴക്കാലത്തിന് ശേഷം സപ്തംബറില്‍ പ്രവൃത്തികള്‍ പുനരാരംഭിക്കും. മഴയുള്ള സമയത്ത് റണ്‍വെ റീ-കാര്‍പ്പറ്റിങ് പ്രവൃത്തികള്‍ നടത്താനാവില്ല. രണ്ടു മണിക്കൂര്‍ ടാറിങ് പ്രവൃത്തികളും ശേഷിക്കുന്ന 6 മണിക്കൂര്‍ ടാറിങ് ഈര്‍പ്പമില്ലാതെ വെയിലേറ്റ് ഉറക്കണം. അല്ലാത്തപക്ഷം ടാറിങ് ഇളകും. കാലവര്‍ഷം ജൂണില്‍ എത്തുമെന്ന കണക്ക് കൂട്ടലില്‍ നവീകരണ പ്രവൃത്തികള്‍ നടത്തി വരികയായിരുന്നു.
എന്നാല്‍, കഴിഞ്ഞ രണ്ടു ദിവസമായി വേനല്‍മഴ ശക്തമായതോടെ പ്രവൃത്തികള്‍ നേരത്തെ നിര്‍ത്തുകയായിരുന്നു. എന്നാല്‍, മണ്ണ് നിരത്തി മൂടുന്നതടക്കമുളള ജോലികള്‍ തുടരാന്‍ തീരുമാനിച്ചിട്ടുണ്ട്. ഒക്ടോബര്‍ മാസത്തോടെ പ്രവൃത്തികള്‍ പൂര്‍ത്തീകരിക്കും. പിന്നീട് വൈദ്യൂതീകരണ പ്രവൃത്തികള്‍ നടത്തും.

Share on FacebookShare on Google+Tweet about this on TwitterShare on LinkedIn
(Visited 46 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക