|    Sep 26 Wed, 2018 12:52 am
FLASH NEWS
Home   >  Todays Paper  >  page 11  >  

കരാര്‍ അടിസ്ഥാനത്തില്‍ പരിശീലകയാവാനില്ല:ഒ പി ജെയ്ഷ

Published : 18th May 2017 | Posted By: fsq

 

തിരുവനന്തപുരം: ഒളിംപ്യന്‍ ഒ പി ജയ്ഷയുള്‍പ്പെടെയുളള കായികതാരങ്ങള്‍ക്ക് വീണ്ടും സര്‍ക്കാര്‍ അവഗണന. കേരള സ്‌പോര്‍ട്‌സ്് കൗണ്‍സിലില്‍ പരിശീലക സ്ഥാനം നല്‍കുന്നത് കരാര്‍ അടിസ്ഥാനത്തില്‍.  കരാര്‍ അടിസ്ഥാനത്തില്‍ പരിശീലകയാകാനില്ലെന്ന് ഒ പി ജെയ്ഷ പറഞ്ഞു. ഓപറേഷന്‍ ഒളിംപ്യയുടെ ഭാഗമായാണ് ഒളിംപ്യന്‍മാരായ പി അനില്‍കുമാര്‍, ഒ പി ജെയ്ഷ, പി ടി പൗലോസ് എന്നിവരെ പരിശീലകരായി നിയമിക്കാന്‍ സ്‌പോര്‍ട്‌സ് കൗണ്‍സില്‍ തീരുമാനിച്ചത്. ജൂണ്‍ ഒന്നിന് മൂവര്‍ക്കും നിയമനം നല്‍കുമെന്നും ജില്ലകള്‍ തോറും ടാലന്റ് ഹണ്ട് നടത്തി മികച്ച പ്രതിഭകളെ കണ്ടെത്തുകയാണ് മൂവരുടെയും ചുമതലയെന്നും സ്‌പോര്‍ട്‌സ് കൗണ്‍സില്‍ വ്യക്തമാക്കിയിരുന്നു.നിലവിലെ സാഹചര്യത്തില്‍ കരാറടിസ്ഥാനത്തില്‍ പരിശീലയാകാനില്ലെന്നും സ്ഥിരനിയമനമാണ് ആഗ്രഹിച്ചതെന്നും ഒ പി ജെയ്ഷ പറഞ്ഞു.  നിലവില്‍ റെയില്‍വേയില്‍ സ്ഥിരം ജീവനക്കാരിയാണ് ജെയ്ഷ. ഈ ജോലി കളഞ്ഞ് കരാര്‍ അടിസ്ഥാനത്തില്‍ പരിശീലകയാവാനില്ലെന്ന നിലപാടിലാണ് താരം.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss