|    Jan 17 Tue, 2017 10:33 am
FLASH NEWS

കമല സുരയ്യയുടെ ജീവിതം സിനിമയാവുന്നു

Published : 12th March 2016 | Posted By: SMR

തിരുവനന്തപുരം: അന്തരിച്ച സാഹിത്യകാരി കമല സുരയ്യയുടെ ജീവിതം സിനിമയാവുന്നു. സിനിമ സംവിധാനം ചെയ്യുന്നത് കമലാണ്. കമലയായി അഭിനയിക്കുന്നത് ബോളിവുഡ് താരം വിദ്യാ ബാലന്‍. നടന്‍ പൃഥ്വിരാജും ശ്രദ്ധേയമായ വേഷം ചെയ്യുന്നു. ഷൂട്ടിങ് ഈ വര്‍ഷം അവസാനത്തോടെ തുടങ്ങും. കമല സുരയ്യയുടെ ജീവിതത്തിലെ മൂന്നു കാലഘട്ടങ്ങളാണ് സിനിമയില്‍ ചിത്രീകരിക്കുക. 15 വയസ്സു മുതലുള്ള ഘട്ടങ്ങളാണു ചിത്രത്തിലുണ്ടാവുക. വിദ്യയാണ് കമലയാവാന്‍ ഏറ്റവും യോജിച്ച നടിയെന്ന് സംവിധായകന്‍ കമല്‍ പറഞ്ഞു.
തന്റെ കവിതകള്‍ ആലപിക്കുന്നതിന് ജര്‍മനിയിലെ വിവിധ യൂനിവേഴ്‌സിറ്റികളിലേക്കും ഫ്രാങ്ക്ഫര്‍ട്ട് ബുക്ക്‌ഫെയര്‍ ഉള്‍പ്പെടെയുള്ള ലോകരാജ്യങ്ങളിലേക്കും വിവിധ പുസ്തക മേളകളിലേക്കും സഞ്ചരിച്ചിരുന്ന കമല സുരയ്യയോളം അനുഭവ സമ്പത്തുള്ള എഴുത്തുകാരി മലയാളത്തില്‍ വേറെ ഉണ്ടായിട്ടില്ല. 1984ല്‍ സാഹിത്യത്തിനുള്ള നൊബേല്‍ സമ്മാനത്തിന്റെ ചുരുക്കപ്പട്ടികയില്‍ അവര്‍ ഉള്‍പ്പെട്ടിരുന്നു. 2009 മെയ് 31ന് 75ാം വയസ്സില്‍ പൂനെയില്‍ വച്ചായിരുന്നു അവരുടെ അന്ത്യം.
പാലക്കാട് പുത്തൂര്‍ സ്വദേശിനിയായ വിദ്യാ ബാലന്‍ ദേശീയ ഫിലിം അവാര്‍ഡ് ഉള്‍പ്പെടെ നിരവധി അവാര്‍ഡുകള്‍ നേടിയ താരമാണ്.

Share on FacebookShare on Google+Tweet about this on TwitterShare on LinkedIn
(Visited 54 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക