|    Jul 25 Tue, 2017 4:19 am
FLASH NEWS
Home   >  Todays Paper  >  page 12  >  

കന്നഡ രാമായണത്തില്‍ ഉന്നതവിജയം നേടി മുസ്‌ലിം വിദ്യാര്‍ഥിനി

Published : 13th February 2016 | Posted By: SMR

അശോക് നീര്‍ച്ചാല്‍

പെര്‍ള(കാസര്‍കോട്): കന്നഡ രാമായണ പരീക്ഷയില്‍ ഉന്നത വിജയം നേടി മുസ്‌ലിം വിദ്യാര്‍ഥിനി. കേരള-കര്‍ണാടക അതിര്‍ത്തിയിലെ ബെള്ളൂര്‍ പഞ്ചായത്തിനടുത്തുള്ള നെട്ടണിഗെ ഗ്രാമത്തിലെ ടാക്‌സി ഡ്രൈവര്‍ ബടകന്നൂര്‍ ഇബ്രാഹീം-സൗദ ദമ്പതികളുടെ മകളും സുള്ള്യ പദവിലെ സര്‍വോദയ ഹൈസ്‌കൂള്‍ ഒമ്പതാംതരം വിദ്യാര്‍ഥിനിയുമായ എം ഫാത്തിമത്ത് റാസിലയാണ് കര്‍ണാടക സര്‍ക്കാര്‍ നടത്തിയ സംസ്‌കൃത രാമായണ പരീക്ഷയില്‍ 93 ശതമാനം മാര്‍ക്ക് നേടി ഉജ്ജ്വലവിജയം നേടിയത്. പരമ്പരാഗതമായി രാമായണം പഠിക്കുന്ന ഹിന്ദു വിദ്യാര്‍ഥികളെ പിന്നിലാക്കിയാണ് ഈ ചരിത്രവിജയം.
പിതാവിന്റെ സഹോദരനും കോണ്‍ഗ്രസ് നേതാവുമായ മുഹമ്മദ് ബടകന്നൂരിന്റെ പ്രോല്‍സാഹനമാണ് കന്നഡ രാമായണത്തില്‍ കുട്ടിക്കു പ്രചോദനമായത്. മുഹമ്മദ് സംസ്‌കൃതത്തില്‍ പ്രാവീണ്യം നേടിയ ആളാണ്.
മതപരമായ വിദ്യാഭ്യാസത്തിലും റാസില മുന്‍പന്തിയിലാണ്. സമസ്ത പൊതുപരീക്ഷയില്‍ ദ ക്ഷിണ കനറയില്‍ അഞ്ചാംതരത്തില്‍ ഒന്നാംസ്ഥാനവും ഏഴാം തരത്തില്‍ കര്‍ണാടകയില്‍ ഒന്നാംസ്ഥാനവും ഫാ ത്തിമത്ത് നേടിയിരുന്നു. കര്‍ണാടക പുത്തൂര്‍ താലൂക്കിലെ നെട്ടണിഗെയിലാണ് ഇവരുടെ കുടുംബം താമസിക്കുന്നത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക