|    Jan 22 Sun, 2017 3:53 pm
FLASH NEWS

കഥാപ്രസംഗത്തെ കൈവിടാതെ കാണികള്‍

Published : 13th March 2016 | Posted By: SMR

തൊടുപുഴ:എംജി കലോത്സവ വേദിയില്‍ കഥാപ്രസംഗത്തിന് ഏറെ ആസ്വാദകര്‍. മത്സരാര്‍ത്ഥികളുടേയും എണ്ണത്തില്‍ വര്‍ധനവുണ്ടായി.23 പേരാണ് ഇത്തവണ കഥ പറയാന്‍ വേദിയിലെത്തിയത്.ചിലര്‍ പുരാണകഥകളുമായി വന്നു. പുരാണചരിത്രത്തിലെ ചില കഥാ പ്രാത്രങ്ങളെ ഇന്നത്തെ സമൂഹിക വ്യവസ്ഥിതിയുമായി കൂട്ടിയിണക്കി അവതരിപ്പിച്ച കഥകളും ശ്രദ്ധേയമായി.
ഏറ്റവും പ്രധാനമായി ശ്രദ്ധിക്കപ്പെട്ടത് മഹാഭാരതത്തിലെ അഭിമന്യുവിന്റെ കഥയാണ്.സ്‌നേഹവും സഹവര്‍ത്തിത്വവും മറന്ന് പോകുന്ന പ്രതിബദ്ധതയില്ലാത്ത ഒരു സമൂഹത്തിന്റെ കഥപറയുന്ന ന്യായവിധിയും അമ്മയുടെ സ്‌നേഹത്തിന്റെ ആഴങ്ങള്‍ തുറന്ന് കാണിക്കുകയും ഒടുവില്‍ സ്വന്തം മകളുമൊത്ത് ജീവിക്കാന്‍ കഴിയാതെ പുഴയില്‍ ചാടി ആത്മഹത്യ ചെയ്യുന്ന അമ്മയെന്ന കഥയും കാണികളെ കരയിക്കുകയും ഒപ്പം ചിന്തിപ്പിക്കുകയും ചെയ്തു.
തിരക്കുള്ള കാഥികനായി കേരളത്തിലാകെ മുന്നേറിയ വി സാംബശിവനേപ്പോലുള്ള കാഥികരുടെ പാത പുതുതലമറ എറ്റെടുക്കാന്‍ ശ്രമിക്കുന്നത് വളരെ നല്ല മാറ്റമാണെന്ന് വിധികര്‍ത്താക്കള്‍ പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 66 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക