|    Oct 24 Tue, 2017 3:13 pm
FLASH NEWS

കഥാപാത്രങ്ങളുടെയും സൃഷ്ടികര്‍ത്താവിന്റെയും കണ്ടുമുട്ടല്‍ ഹൃസ്വ ചിത്രമാവുമ്പോള്‍

Published : 16th February 2016 | Posted By: SMR

കോഴിക്കോട്: എം മുകുന്ദന്റെ മയ്യഴി പുഴയുടെ തീരത്ത് നോവലിനെ ആസ്പദമാക്കി ഇ എം അഷ്‌റഫ് സംവിധാനം ചെയ്യുന്ന ഹൃസ്വചിത്രം ബോംഴൂര്‍ മയ്യഴി പൂര്‍ത്തിയായി. പ്രിവ്യൂ ഈ മാസം 17ന് വൈകീട്ട് നാലിന് കെ പി കേശവമേനോന്‍ ഹാളില്‍ പ്രദര്‍ശിപ്പിക്കും.
കഥാപാത്രങ്ങള്‍ തങ്ങളുടെ സൃഷ്ടികര്‍ത്താവിനെ തേടിയെത്തുന്നതാണ് കഥ. സാഹിത്യകാരന്‍ എം മുകുന്ദന്‍ തന്നെയാണ് ഇതില്‍ അഭിനയിച്ചിരിക്കുന്നതും. മയ്യഴിയുടെ പഴയതും പുതിയതുമായ മാറ്റങ്ങളെ അനാവരണം ചെയ്തിട്ടാണ് ചിത്രം ഒരുക്കിയിട്ടുള്ളത്. 24 മിനുട്ടാണ് സിനിമയുടെ ദൈര്‍ഘ്യം. ബോംഴൂര്‍ മയ്യഴി എന്ന പേരില്‍ ബോംഴൂര്‍ എന്ന ഫ്രഞ്ച് പദം അര്‍ഥമാക്കുന്നത് വന്ദനം എന്നാണ്. സംവിധായകന്‍ ഇ എം അഷ്‌റഫ് പറഞ്ഞു. ഹെലികാം ഉപയോഗിച്ച് ചിത്രീകരിച്ച രംഗങ്ങളില്‍ മയ്യഴിയുടെ സൗന്ദര്യം ഒപ്പിയെടുക്കാന്‍ പരമാവധി ശ്രമിച്ചതായി അദ്ദേഹം പറഞ്ഞു.
ഗായിക സൈനോര ഫിലിപ്പിന്റെ ഗാനവും ബോംഴൂര്‍ മയ്യഴി മാറ്റേകും. വാര്‍ത്താസമ്മേളനത്തില്‍ മാധ്യമപ്രവര്‍ത്തകന്‍ എ സജീവന്‍, കാലിക്കറ്റ് പ്രസ്‌ക്ലബ് പ്രസിഡന്റ് കമാല്‍ വരദൂര്‍, അറബ് ഗായകന്‍ ജയന്‍ പങ്കെടുത്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക