|    Jan 17 Tue, 2017 10:17 am
FLASH NEWS
Home   >  Pravasi  >  Gulf  >  

കത്താറ പ്ലാസ തുറക്കുന്നത് അടുത്ത വര്‍ഷത്തേക്ക് മാറ്റി

Published : 11th March 2016 | Posted By: SMR

ദോഹ: രാജ്യത്തെ ആദ്യ ഔട്ട്‌ഡോര്‍ എയര്‍ കണ്ടീഷന്‍ഡ് വാണിജ്യ കേന്ദ്രമായ കത്താറ പ്ലാസ തുറക്കുന്നത് 2017ലേക്ക് മാറ്റിയതായി സൂചന. കത്താറ കള്‍ച്ചറല്‍ വില്ലേജില്‍ ഒരുങ്ങുന്ന പദ്ധതി ഈ വര്‍ഷം തുറക്കുമെന്നായിരുന്നു നേരത്തേ പ്രഖ്യാപിച്ചിരുന്നത്.
കത്താറ പ്ലാസയില്‍ നിര്‍മിക്കുന്ന ഫ്രഞ്ച് റീട്ടെയില്‍ ഷോപ്പായ ഗാലറീസ് ലഫായെറ്റയുടെ അകം പണികള്‍ക്കുള്ള കരാര്‍ ഈ മാസം അന്താരാഷ്ട്ര പ്രൊജക്ട് മാനേജ്‌മെന്റ് കമ്പനിയായ ടേണര്‍ ആന്റ് ടൗണ്‍സെന്‍ഡിന് ലഭിച്ചിരുന്നു.
ക്ലോത്തിങ്, ഹോം വെയര്‍, ആക്‌സസറീസ് ഉള്‍പ്പെടെ 400 ആഢംബര ബ്രാന്‍ഡുകള്‍ വില്‍ക്കുന്ന ഈ സ്ഥാപനം മൂന്ന് നിലകളിലായാണ് സജ്ജീകരിക്കുന്നത്. 2017 അവസാനിക്കും മുമ്പ് ഇതിന്റെ പണി പൂര്‍ത്തിയാക്കുമെന്നാണ് ടേണര്‍ ആന്റ് ടൗണ്‍സെന്‍ഡ് അറിയിച്ചിട്ടുള്ളത്.
അലി ബിന്‍ അലി ഗ്രൂപ്പിനാണ് കത്താറ പ്ലാസയുടെ പദ്ധതി ചുമതല.
പ്ലാസ പൂര്‍ണമായും 2016ല്‍ തന്നെ തുറക്കുമെന്നായിരുന്നു നേരത്തേ അറിയിച്ചിരുന്നത്. ഭാഗികമായി ഈ വര്‍ഷം തുറക്കുമോ എന്ന കാര്യം വ്യക്തമല്ല.

Share on FacebookShare on Google+Tweet about this on TwitterShare on LinkedIn
(Visited 96 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക