|    Oct 22 Sun, 2017 5:48 pm
FLASH NEWS

കതിര്‍മണ്ഡപത്തില്‍ നിന്നും പോളിങ് ബൂത്തിലേക്ക്

Published : 6th November 2015 | Posted By: SMR

കാക്കനാട്: തൃക്കാക്കര 38 കരിമക്കാട് 103 നമ്പര്‍ പോളിങ് ബൂത്തിലാണ് വരനോടൊപ്പം വധു വോട്ടു ചെയ്യാന്‍ ബൂത്തിലെത്തിയത്. ഇന്നലെ രാവിലെ 11 ന് ഓഡിറ്റോറിയത്തില്‍ വച്ച് വരന്‍ സന്തോഷ് സബിതയുമായിട്ടുള്ള വിവാഹ താലിചാര്‍ത്തല്‍ കഴിഞ്ഞ് ഉടനെ കൊച്ചിന്‍ പബ്ലിക് സ്‌കൂളിലെ പോളിങ് ബൂത്തിലേക്ക് എത്തുകയായിരുന്നു. ആലുവ ചൊവ്വര മേക്കാനത്ത് ഉണ്ണികൃഷ്ണന്റെയും ചന്ദ്രിക ഉണ്ണികൃഷ്ണന്റേയും മകന്‍ സന്തോഷ് (29), കലക്ടറേറ്റിലെ മുന്‍ ജീവനക്കാരന്‍ തൃക്കാക്കര പുതുവമൂല പി കെ ബാലന്റെയും ഉഷ ബാലന്റെയും മകള്‍ സബിതയും തമ്മിലുളള വിവാഹമായിരുന്നു ഇന്നലെ നടന്നത്. ചടങ്ങ് അവസാനിപ്പിക്കാതെ മുല്ലപ്പൂമാലയും ചാര്‍ത്തി ബൊക്കെയും കയ്യില്‍ പിടിച്ചാണ് നവവധു വോട്ട് ചെയ്യാന്‍ എത്തിയത്. പുതുമണവാട്ടിയെ കണ്ടപ്പോള്‍ തന്നെ വോട്ട് ചെയ്യാന്‍ ക്യൂ നിന്നവര്‍ നവവധുവിന് സൗകര്യം ഒരുക്കുകയായിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക