|    Apr 27 Fri, 2018 1:36 pm
FLASH NEWS

കതിരൂരിലെ വീടുകളില്‍ ചിത്രപ്രദര്‍ശനം

Published : 23rd February 2018 | Posted By: kasim kzm

തലശ്ശേരി: ചിത്ര സംസ്‌കാരത്തിന് ചിത്ര സാക്ഷരത എന്ന ലക്ഷ്യം മുന്‍നിര്‍ത്തി കതിരൂര്‍ പഞ്ചായത്തിലെ മുഴുവന്‍ വീടുകളിലും വിവിധ തരം പെയിന്റിങുകളുടെ ചിത്രം പ്രദര്‍ശിപ്പിക്കുമെന്ന് സംഘടാകര്‍ വാര്‍ത്താസമ്മേളനത്തില്‍ അറിയിച്ചു. കേരള ലളിതകലാ അക്കാദമിയുടെ സഹകരണത്തോടെയാണ് പഞ്ചായത്ത്് ചിത്രഗ്രാമം പദ്ധതി നടപ്പാക്കുന്നത്. ഒന്നാംഘട്ടത്തില്‍ പൊതുസ്ഥലങ്ങളിലെ ചുവരുകളില്‍ ചിത്രകാരന്‍മാര്‍ നൂറു ചിത്രങ്ങള്‍ വരച്ചു. രണ്ടാംഘട്ട പ്രദര്‍ശനം ഇന്ന് രാവിലെ 10ന് കതിരൂര്‍ പുല്ല്യോട്ട് പൊന്ന്യം ചന്ദ്രന്‍ ഉദ്ഘാടനം ചെയ്യും. നാലു ദിവസങ്ങളിലായി 50 ചിത്രകാരന്‍മാര്‍ 200 കാന്‍വാസില്‍ ചിത്രങ്ങള്‍ വരച്ച് വിതരണം ചെയ്യും. മാര്‍ച്ചില്‍ മൂന്നാംഘട്ട പരിപാടി നടക്കും.
ആയിരത്തോളം ചിത്രങ്ങള്‍ കാന്‍വാസില്‍ പകര്‍ത്തി മുഴുവന്‍ വീടുകളിലും എത്തിക്കും. ഇതോടെ പഞ്ചായത്തിലെ മുഴുവന്‍ വീടുകളിലും ചിത്രങ്ങള്‍ പ്രദര്‍ശിപ്പച്ച് ചിത്ര ഗ്രാമമായി മാറും. വാര്‍ത്താസമ്മേളനത്തില്‍ പഞ്ചായത്ത് പ്രസിഡന്റ് എം ഷീബ, കെ കെ ശിവകൃഷ്ണന്‍, ടി  ദിപേഷ്, വി കെ ലനിജ പങ്കെടുത്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss