|    May 23 Wed, 2018 1:16 am
FLASH NEWS

കണ്‍സ്യൂമര്‍ ഫെഡിന്റെ കഴിഞ്ഞ സാമ്പത്തിക വര്‍ഷത്തെ അറ്റലാഭം 71.88 കോടി

Published : 25th April 2018 | Posted By: kasim kzm

കോഴിക്കോട്: 2017-18 സാമ്പത്തിക വര്‍ഷത്തില്‍ 71.88 കോടി രൂപ അറ്റലാഭം നേടാനായെന്ന് ചെയര്‍മാന്‍ എം മെഹബൂബ്. ഇക്കഴിഞ്ഞ സാമ്പത്തിക വര്‍ഷത്തില്‍ ഓണം, ക്രിസ്മസ് വിപണിയിലായി 245.22 കോടി രൂപയുടെ വില്‍പന നടന്നു.
ഇതിലൂടെ 69.66 കോടി രൂപയുടെ സാമ്പത്തിക ആനുകൂല്യം സബ്‌സിഡി ഇനത്തില്‍ ജനങ്ങളില്‍ എത്തിക്കാന്‍ കഴിഞ്ഞു.
പാലക്കാട് ജില്ലയിലെ മുങ്കില്‍മടയില്‍ കണ്‍സ്യൂമര്‍ ഫെഡറേഷന്റെ നേതൃത്വത്തില്‍ പ്രവര്‍ത്തിക്കുന്ന നീതി ഗ്യാസ് പ്ലാന്റിന്റെ അമിത ശേഷി ഇന്‍ഡ്യന്‍ ഓയില്‍ കോര്‍പറേഷനുമായി പങ്കു വയ്ക്കുന്നതിനു ധാരണയായിട്ടുണ്ട്. ഇതു വഴി പ്രതിദിനം ഐഒസിക്കു വേണ്ടി 3000 സിലിണ്ടറുകള്‍ ഫില്ല് ചെയ്യാന്‍ കഴിയും.
മുന്‍ വര്‍ഷങ്ങളില്‍ ഉണ്ടാക്കിയ 619.04 കോടി രൂപയുടെ അറ്റനഷ്ടമാണ് കണ്‍സ്യൂമര്‍ ഫെഡ് നേരിടുന്ന പ്രതിസന്ധി. ഇതു നേരിടുന്നതിനായി സര്‍ക്കാരന്റെ സഹകരണത്തോടെ പ്രവര്‍ത്തന പരിപാടികള്‍ ആരംഭിച്ചതായും അദ്ദേഹം അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss