|    Jan 21 Sat, 2017 11:04 pm
FLASH NEWS

കണ്ണൂര്‍ ഡിസിസി പ്രസിഡന്റിനെതിരേ കെപിസിസിക്കു പരാതി

Published : 28th November 2015 | Posted By: SMR

കണ്ണൂര്‍: തിരഞ്ഞെടുപ്പിനുശേഷം ഗ്രൂപ്പ് പോര് ശക്തമായി തുടരുന്ന കണ്ണൂരില്‍ ഡിസിസി പ്രസിഡന്റ് കെ സുരേന്ദ്രനെതിരേ കെപിസിസിക്കു പരാതി. വിശാല ഐ ഗ്രൂപ്പ് നേതാവും കെപിസിസി ജനറല്‍ സെക്രട്ടറിയുമായ അഡ്വ. സജീവ് ജോസഫാണ് കെപിസിസി പ്രസിഡന്റ് വി എം സുധീരന് കത്തയച്ചത്.
സ്ഥാനാര്‍ഥിനിര്‍ണയത്തിനായി ചേര്‍ന്ന ഉപസമിതി യോഗത്തിനിടെ സജീവ് ജോസഫിനോട് അഡ്വ. സണ്ണി ജോസഫ് മോശമായി പെരുമാറിയതായി വാര്‍ത്തകളുണ്ടായിരുന്നു. ഇതുസംബന്ധിച്ച് കെപിസിസിക്ക് സജീവ് ജോസഫ് പരാതി നല്‍കുകയും ചെയ്തിരുന്നു. ഇതിനെതിരേ രണ്ടുദിവസം മുമ്പ് ഡിസിസി പ്രസിഡന്റ് പുറപ്പെടുവിച്ച പ്രസ്താവനയാണ് ഗ്രൂപ്പ് പോര് രൂക്ഷമാക്കിയത്.
വിശാല ഐ ഗ്രൂപ്പില്‍ സുധാകരനൊപ്പമുണ്ടായിരുന്ന സജീവ് ജോസഫും വി എ നാരായണനും സണ്ണി ജോസഫനെതിരേ വിമര്‍ശനം ഉന്നയിക്കുകയും കെപിസിസി യോഗത്തില്‍നിന്ന് ഐ ഗ്രൂപ്പ് നേതാക്കള്‍ക്കൊപ്പം വിട്ടുനില്‍ക്കുകയും ചെയ്തിരുന്നു. ഇതിനു പിന്നാലെയാണ് സജീവ് ജോസഫിനെതിരേ നടപടിയെടുക്കണമെന്നാവശ്യപ്പെട്ട് ഡിസിസി പ്രസിഡന്റ് പരസ്യപ്രസ്താവനയിറക്കിയത്. മാത്രമല്ല, സണ്ണി ജോസഫിനെയും സുധാകരനെയും പൂര്‍ണമായും സംരക്ഷിക്കുന്ന നിലപാട് സ്വീകരിച്ചു. ഇതിനെതിരേ കെപിസിസി ജനറല്‍ സെക്രട്ടറിയും ഐ ഗ്രൂപ്പ് നേതാവുമായ പി രാമകൃഷ്ണനും രംഗത്തെത്തി. ഇതോടെ കണ്ണൂരില്‍ സുധാകരന്‍ അനുകൂലികളായ ഐ ഗ്രൂപ്പിനെതിരേ ചെന്നിത്തല അനുകൂലികളായ വിശാല ഐയിലെയും എ ഗ്രൂപ്പിലെയും നേതാക്കള്‍ ഒരുമിക്കുകയാണെന്നതും ശ്രദ്ധേയമാണ്.

Share on FacebookShare on Google+Tweet about this on TwitterShare on LinkedIn
(Visited 54 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക