|    May 22 Mon, 2017 11:19 pm
FLASH NEWS

കണ്ണൂര്‍ ജില്ലയില്‍ പ്രവേശനാനുമതി: പി ജയരാജന്റെ ഹരജിയില്‍ ഇന്നു തീര്‍പ്പ് കല്‍പ്പിക്കും

Published : 6th May 2016 | Posted By: SMR

തലശ്ശേരി: ആര്‍എസ്എസ് നേതാവ് കതിരൂര്‍ മനോജ് വധക്കേസില്‍ പ്രതി ചേര്‍ക്കപ്പെട്ട സിപിഎം കണ്ണൂര്‍ ജില്ലാ സെക്രട്ടറി പി ജയരാജന്‍ കണ്ണൂര്‍ ജില്ലയില്‍ പ്രവേശിക്കാന്‍ അനുമതി തേടി നല്‍കിയ ഹരജി തീര്‍പ്പു കല്‍പ്പിക്കുന്നത് ഒന്നാം അഡീഷനല്‍ ജില്ലാ സെഷന്‍സ് ജഡ്ജി ശ്രീകലാ സുരേഷ് ഇന്നത്തേക്കു മാറ്റി.
ജയരാജന്റെ ഹരജി പൂര്‍ണമായും തള്ളണമെന്നു സിബിഐ പ്രോസിക്യൂട്ടര്‍ കൃഷ്ണകുമാര്‍ വാദിച്ചു. സാക്ഷികളെ സ്വാധീനിക്കാനാണ് ജില്ലയിലേക്കു പ്രവേശിക്കുന്നതിനു യുക്തിപരമല്ലാത്ത വാദങ്ങള്‍ ഉന്നയിക്കുന്നതെന്നും സിബിഐ ചൂണ്ടിക്കാട്ടി. മനോജ് വധക്കേസില്‍ പ്രധാന പ്രതികളില്‍ ഒരാളാണു ജയരാജന്‍. ഇതു സംബന്ധിച്ച് അന്വേഷണ സംഘം കണ്ടെത്തിയ വസ്തുക്കള്‍ നേരത്തേ തന്നെ കോടതിയില്‍ സമര്‍പ്പിച്ചിരുന്നു. ജയരാജനു നിലവില്‍ യാതൊരു ആരോഗ്യ പ്രശ്‌നവുമില്ലെന്ന ഡോ. അഷ്‌റഫിന്റെ നിരീക്ഷണങ്ങളെ ശരിവയ്ക്കുന്നതാണു കോഴിക്കോട് മെഡിക്കല്‍ കോളജിലെയും ശ്രീചിത്തിരയിലെയും വിദഗ്ധ ഡോക്ടര്‍മാരുടെയും കണ്ടെത്തല്‍. അതുകൊണ്ടു തന്നെ പരിയാരം മെഡിക്കല്‍ കോളജില്‍ ചികില്‍സ തേടണമെന്ന പി ജയരാജന്റെ വാദം ന്യായീകരിക്കാനാവാത്തതാണെന്നും പ്രോസിക്യൂട്ടര്‍ ചൂണ്ടിക്കാട്ടി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day