|    Jan 16 Mon, 2017 10:51 pm
FLASH NEWS

കണ്ടെയ്‌നര്‍ ലോറിക്ക് തീപ്പിടിച്ചു; 25 ലക്ഷത്തിന്റെ സ്‌പെയര്‍പാര്‍ട്‌സുകള്‍ കത്തി നശിച്ചു

Published : 20th December 2015 | Posted By: SMR

ചങ്ങനാശ്ശേരി: പോപ്പുലര്‍ എവിജെ കമ്പനിയുടെ വിവിധ ശാഖകളിലേക്ക് മാരുതിയുടെ സ്‌പെയര്‍പാര്‍ട്‌സുമായി ഹരിയാനയില്‍ നിന്നു എത്തിയ കണ്ടെയ്‌നറിന് തീപ്പിടിച്ച് 25 ലക്ഷത്തിലേറെ രൂപയുടെ നഷ്ടം. ഇന്നലെ വൈകീട്ട് നാലരയോടെ വാഴൂര്‍ റോഡില്‍ ദൈവംപടിയിലായിരുന്നു സംഭവം.
സീറ്റിനു പിന്നില്‍ നിന്നു പുക ഉയരുന്നത് ശ്രദ്ധയില്‍പ്പെട്ട ഡ്രൈവര്‍ ഉടന്‍തന്നെ വാഹനം നിര്‍ത്തുകയും തുടര്‍ന്ന് നാട്ടുകാര്‍ അഗ്നിശമസേനയെ വിവരം അറിയിക്കുകയായിരുന്നു. ചങ്ങനാശ്ശേരി, പാമ്പാടി, കോട്ടയം എന്നിവിടങ്ങളില്‍ നിന്നുള്ള മൂന്നു യൂനിറ്റ് അഗ്നിശമനസേനയെത്തി കണ്ടെയനറിന്റെ ഒരു ഭാഗം പൊളിച്ചാണ് ഉള്ളില്‍ പടര്‍ന്ന തീയണച്ചത്.
എന്നാല്‍ വാഹനത്തിനു തീപ്പിടിച്ചില്ല. ഒന്നരകോടിയോളം രൂപയുടെ സ്‌പെയര്‍പാര്‍ടസുകള്‍ കണ്ടെയ്‌നറിനുള്ളില്‍ ഉണ്ടായിരുന്നതായി പറയുന്നു. തിക്കി നിറച്ച് സൂക്ഷിച്ചിരുന്ന ഇവയില്‍ നിന്നും ചൂടുകൊണ്ട് ഗ്രീസും ഓയിലും മറ്റും ഉരുകിയിറങ്ങി ചൂടേറി തീപ്പിടിച്ചതാകാമെന്നാണ് പ്രാഥമിക നിഗമനം.
കണ്ടെയ്‌നറില്‍ നിന്നും പുറത്തെടുത്ത സ്‌പെയര്‍പാര്‍സുകള്‍ സമീപത്തെ പുരയിടത്തിലും മറ്റുമായി സൂക്ഷിച്ചിരിക്കുകയാണ്. എന്നാല്‍ സഹായിക്കാനെന്ന പേരില്‍ എത്തിവര്‍ നിരവധി സ്‌പെയര്‍പാര്‍ട്ടുകള്‍ അവിടെ നിന്നും കൊണ്ടു പോയത് വന്‍ നഷ്ടത്തിനു കാരണമായിട്ടുണ്ടെന്നും നാട്ടുകാരില്‍ ചിലര്‍ പറഞ്ഞു.
തൃക്കൊടിത്താനം, കറുകച്ചാല്‍ പോലിസും സ്ഥലത്തെത് രക്ഷാ പ്രവര്‍ത്തനത്തിനു നേതൃത്വം നല്‍കി. ആര്‍ക്കും പരിക്കില്ല.

Share on FacebookShare on Google+Tweet about this on TwitterShare on LinkedIn
(Visited 65 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക