|    Oct 23 Mon, 2017 12:37 am

കണ്ടല്‍ വിപ്ലവത്തിനൊരുങ്ങി മാറഞ്ചേരിയിലെ തൊഴിലാളികള്‍

Published : 5th June 2017 | Posted By: fsq

 

പൊന്നാനി: വ്യത്യസ്തമായ പദ്ധതികള്‍ ആവിഷ്‌കരിച്ചും നടപ്പാക്കിയും സംസ്ഥാനത്തിനകത്തും പുറത്തും ശ്രദ്ദേയരായ മാറഞ്ചേരിയിലെ തൊഴിലുറപ്പ് തൊഴിലാളികള്‍ ലോകപരിസ്ഥിതി ദിനത്തോടനുബന്ധിച്ച് കുണ്ടുകടവ് പുഴയുടെ തീരങ്ങളില്‍ കണ്ടല്‍ തൈകള്‍ വെച്ച് പിടിപ്പിക്കുന്ന ബൃഹത്ത്  പദ്ധതിയുമായി രംഗത്ത്. ബിയ്യം കെട്ടുമുതല്‍ കുണ്ടുകടവ് പാലംവരെയുയുള്ള തീരങ്ങളില്‍ തീരംസംരക്ഷണം മല്‍സ്യസംപുഷ്ടി തുടങ്ങിയ ലക്ഷ്യങ്ങള്‍ മുന്‍നിര്‍ത്തിയാണ് തൊഴിലുറപ്പ് തൊഴിലാളികള്‍ മാറഞ്ചേരിയില്‍ കണ്ടല്‍ വിപ്ലവത്തിന് ഒരുങ്ങുന്നത്.തീരദേശത്തെ ഉപ്പുവെള്ള ശുദ്ധീകരണം, വേലിയേറ്റ തീര സംരക്ഷണം, തീരം ഇടിയുന്നതില്‍ നിന്നുള്ള സംരക്ഷണം, മത്സ്യ ഉല്‍പാദനത്തിനും പ്രചനനത്തിനുമുള്ള സൗകര്യമൊരുക്കല്‍ എന്നിവ് കണ്ടല്‍വ്യാപനപദ്ധതിയിലൂടെ കൈവരിക്കാനാകും. പദ്ധതിയുടെ ആദ്യഘട്ട ഉദ്ഘാടനം ഇന്ന്  ബിയ്യം തൂക്കുപാലത്തിന് സമീപം നിയമസഭാ സ്പീക്കര്‍ പി ശ്രീരാമകൃഷ്ണന്‍ നിര്‍വഹിക്കും.ഇതിനായി കേരളാ ഫിഷറീസ് യൂനിവേഴ്‌സിറ്റിയുടെ പുതുവൈപിന്‍ ഫിഷറീസ് സ്‌റ്റേഷന്‍ കണ്ടല്‍ നേഴ്‌സറിയില്‍ നിന്ന് പ്രത്യേകം തെയ്യാര്‍ ചെയ്ത റൈസോഫോറ, ബ്രുഗേറിയ എന്നീ ഇനത്തില്‍പെട്ട കണ്ടല്‍ തൈകളും വിത്തുകളും മാറഞ്ചേരിയില്‍ എത്തി.കഴിഞ്ഞ വര്‍ഷം കുണ്ടുകടവ് മുതല്‍ പടിഞ്ഞാറ്റുമുറിവരെയുള്ള പുഴയോരങ്ങളില്‍ സാമൂഹ്യ വനവല്‍കരണ വിഭാഗവുമായി സഹകരിച്ച് മുളം തൈകള്‍ വെച്ചുപിടിച്ചിരുന്നു. നൂറുകണക്കിന് കുളങ്ങളും കിണറുകളും നിര്‍മിച്ച് ദേശീയ ശ്രദ്ധ നേടിയ പഞ്ചായത്താണ് മാറഞ്ചേരി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക