|    Aug 21 Tue, 2018 12:27 am
FLASH NEWS
Home   >  Todays Paper  >  page 7  >  

കഠ്‌വ: പ്രതികളെ പഞ്ചാബ് ജയിലിലേക്ക് മാറ്റാന്‍ ഉത്തരവ്‌

Published : 11th July 2018 | Posted By: kasim kzm

ന്യൂഡല്‍ഹി: ജമ്മുവിലെ കഠ്‌വയില്‍ എട്ടുവയസ്സുകാരിയെ ക്രൂരമായി പീഡിപ്പിച്ചുകൊന്ന കേസിലെ പ്രതികളെ പഞ്ചാബിലെ ഗുര്‍ദാസ്പുര്‍ ജയിലിലേക്കു മാറ്റാന്‍ സുപ്രിംകോടതി ഉത്തരവ്. പഞ്ചാബിലെ പത്താന്‍കോട്ട് ജില്ലാ സെഷന്‍സ് കോടതിയിലാണു കേസിന്റെ വിചാരണ നടക്കുന്നത്. എട്ടാഴ്ചയ്ക്കകം കേസില്‍ അനുബന്ധ കുറ്റപത്രം സമര്‍പ്പിക്കാന്‍ ചീഫ് ജസ്റ്റിസ്  അധ്യക്ഷനായ ബെഞ്ച് കശ്മീര്‍ പോലിസിനു നിര്‍ദേശം നല്‍കി.
കേസിന്റെ വിചാരണ രഹസ്യമായി നടത്തണമെന്നും സാക്ഷികളെ വിസ്തരിക്കുമ്പോള്‍ ന്യായാധിപനും ജീവനക്കാര്‍ക്കും പുറമേ, പ്രോസിക്യൂട്ടര്‍മാരും പ്രതികളുടെ ഓരോ അഭിഭാഷകരും മാത്രമേ പാടുള്ളൂവെന്നും കോടതി നിഷ്‌കര്‍ഷിച്ചു. ഇതിനിടെ, പ്രത്യേക സംഘം പീഡിപ്പിക്കുന്നതായി ആരോപിച്ച് പ്രതി പര്‍വേശ് കുമാര്‍ (മന്നു) നല്‍കിയ പരാതി പത്താന്‍കോട്ട് സെഷന്‍സ് കോടതി കശ്മീര്‍ ഡിജിപിക്കു കൈമാറി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss