|    Jan 17 Tue, 2017 10:25 am
FLASH NEWS

കടുവ: വിശ്രമമില്ലാതെ വനപാലകര്‍

Published : 2nd December 2015 | Posted By: SMR

സുല്‍ത്താന്‍ ബത്തേരി: ശല്യക്കാരനായ കടുവ കെണിയില്‍ വീഴുന്നില്ല. കടുവയെ പിന്തുടര്‍ന്ന് രാപ്പകല്‍ വ്യത്യാസമില്ലാതെ വനപാലകര്‍. കഴിഞ്ഞ ഒരാഴ്ചയായി സുല്‍ത്താന്‍ ബത്തേരയിലും പരിസരങ്ങളിലും വളര്‍ത്തുമൃഗങ്ങളെ ആക്രമിച്ച് കടുവ വിലസുകയാണ്.
കടുവയിറങ്ങിയാല്‍ പിന്നെ വനപാലകര്‍ക്ക് വിശ്രമമില്ലാത്ത ദിവസങ്ങളാണ്. നിരന്തരം വളര്‍ത്തുമൃഗങ്ങളെ ആക്രമിക്കുകയും വകവരുത്തുകയും കൂടി ചെയ്താല്‍ പണിയേറും. നവംബര്‍ 22ന് കുപ്പാടിക്ക് സമീപം കടുവ പശുവിനെ പിടികൂടി കൊന്നതുമുതല്‍ ആരംഭിച്ചതാണ് വനപാലകരുടെ നിതാന്തപരിശ്രമം.
ഇവിടെ കൂട് വച്ചെങ്കിലും തൊട്ടടുത്ത ദിവസം ഒരു കിലോമീറ്റര്‍ മാറി കടുവ വീണ്ടും പശുവിനെ ആക്രമിച്ചുകൊന്നു. ഇതോടെ രാപ്പകല്‍ വ്യത്യാസമില്ലാതെ വനപാലകര്‍ ഈ ഭാഗത്ത് നീരീക്ഷണം ശക്തമാക്കി. ഇതിനുപുറമെ കൂടും കാമറകളും സ്ഥാപിച്ചു.
എന്നാല്‍, അന്നു രാത്രി കടുവ പശുവിന്റെ കൊന്ന് ഭക്ഷിച്ച് മടങ്ങിയെങ്കിലും കൂട്ടില്‍ അകപ്പെട്ടില്ല. രണ്ടു ദിവസം കഴിഞ്ഞ് ആദ്യം പശുവിനെ കൊന്ന സ്ഥലത്ത് നാട്ടുകാരുടെ മുന്നില്‍ വച്ച് വീണ്ടും കടുവ പശുവിനെ ആക്രമിച്ചുകൊന്നു.
ഇതോടെ പ്രതിഷേധവും ശക്തമായി. തുടര്‍ന്ന് തൊട്ടടുത്തദിവസം ഇവിടെ നിന്നു മൂന്നു കിലോമീറ്റര്‍ മാറി കടുവ വീണ്ടും മൂരിക്കുട്ടനെ കൊന്നതോടെ നാട്ടുകാരും വനപാലകര്‍ക്കെതിരേ തിരിഞ്ഞു.

Share on FacebookShare on Google+Tweet about this on TwitterShare on LinkedIn
(Visited 65 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക