|    Jan 22 Mon, 2018 12:21 am
FLASH NEWS

കടുവയെ പിടിക്കാനായില്ല; കൂട് മാറ്റിസ്ഥാപിച്ചു

Published : 30th December 2015 | Posted By: SMR

മാനന്തവാടി: തവിഞ്ഞാലില്‍ മൂന്നാഴ്ചയോളമായി ഭീതിപരത്തുന്ന കടുവയെ പിടികൂടാന്‍ നേരത്തെ സ്ഥാപിച്ച കൂട് മറ്റൊരു സ്ഥലത്തേക്ക് മാറ്റി. തലപ്പുഴ മേലെ ചിറക്കര വാട്ടര്‍ ടാങ്കിന് സമീപത്തുള്ള വയലിലാണ് വനംവകുപ്പ് കൂട് സ്ഥാപിച്ചിരിക്കുന്നത്. ഇതിനടുത്ത് വച്ചായിരുന്നു തിങ്കളാഴ്ച വൈകീട്ട് ചെമ്പരത്തി ബഷീറിന്റെ പോത്തിനെ കടുവ ആക്രമിച്ചുകൊന്നത്.
തുടര്‍ന്ന് സ്ഥലത്തെത്തിയ വനപാലകരെ തടഞ്ഞുവയ്ക്കുകയും ചെയ്തു. ഇന്നലെ രാവിലെ നാട്ടുകാരുമായി നടത്തിയ ചര്‍ച്ചയില്‍ ഉടമയ്ക്ക് 47,500 രൂപ നഷ്ടപരിഹാരം നല്‍കാമെന്നു വനംവകുപ്പ് സമ്മതിക്കുകയായിരുന്നു. 10 വനപാലകരെ 24 മണിക്കൂര്‍ നീരീക്ഷണത്തിനായി പ്രദേശത്ത് ഏര്‍പ്പെടുത്തുകയും ചെയ്തു.
ഇതിനിടെ തിങ്കളാഴ്ച രാത്രി മാനന്തവാടി ടൗണിനോട് ചേര്‍ന്ന കോ-ഓപറേറ്റീവ് കോളജ് റോഡ് ജങ്ഷനിലെ മതിലില്‍ കടുവയെ കണ്ടതായി ചിലര്‍ വനംവകുപ്പ് ഉദ്യോഗസ്ഥരെ അറിയിച്ചിരുന്നു. ഇവിടെയും നിരീക്ഷണം നടത്തുമെന്നു വനംവകുപ്പ് അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day