|    Dec 19 Wed, 2018 2:03 pm
FLASH NEWS
Home   >  Todays Paper  >  page 7  >  

കടുത്ത നടപടികള്‍ പാടില്ല: ബോംബെ ഹൈക്കോടതി

Published : 21st October 2018 | Posted By: kasim kzm

ന്യൂഡല്‍ഹി: ഭീമാ കൊരേഗാവ് കേസില്‍ ആരോപണ വിധേയരായ ഡല്‍ഹിയിലെ ആക്റ്റിവിസ്റ്റ് ഗൗതം നവ്‌ലാഖ, പ്രഫസര്‍ ആനന്ദ് തെല്‍തുംബ്‌ദെ എന്നിവര്‍ക്കെതിരേ കടുത്ത നടപടികള്‍ പാടില്ലെന്ന് പൂനെ പോലിസിനോട് ബോംബെ ഹൈക്കോടതി. തങ്ങള്‍ക്കെതിരായ എഫ്‌ഐആര്‍ റദ്ദാക്കണമെന്നാവശ്യപ്പെട്ട് ഇരുവരും സമര്‍പ്പിച്ച ഹരജി പരിഗണിക്കവെയാണ് ജസ്റ്റിസുമാരായ ആര്‍ വി മോറെ, ഭാരതി ദാങ്‌റെ എന്നിവരടങ്ങുന്ന ബെഞ്ചിന്റെ നിര്‍ദേശം. കേസ് ഈ മാസം 26ന് പരിഗണിക്കാനും തീരുമാനിച്ചു. അതുവരെ പോലിസ് ഒരു നടപടിയും എടുക്കരുത്. ഒക്ടോബര്‍ 26 വരെ നവ്‌ലാഖയെ അറസ്റ്റ് ചെയ്യുന്നതിന് സുപ്രിംകോടതിയുടെ വിലക്കുണ്ടെന്ന് അഡീഷനല്‍ പബ്ലിക് പ്രോസിക്യൂട്ടര്‍ അരുണ കാമത്ത് പായ് കോടതിയെ അറിയിച്ചു.
കേസില്‍ ഗൗതം നവ്‌ലാഖ, വരവര റാവു, വെര്‍നോന്‍ ഗോണ്‍സാല്‍വസ്, അരുണ്‍ ഫെരേരിയ, സുധാ ഭരദ്വജ് എന്നിവരെ അറസ്റ്റ് ചെയ്യുകയും പിന്നീട് സുപ്രിംകോടതി അത് വീട്ടുതടങ്കലാക്കി മാറ്റുകയും ചെയ്തിരുന്നു. 26 വരെ മറ്റു നിയമനടപടികള്‍ക്കായി കീഴ്‌ക്കോടതിയെ സമീപിക്കാന്‍ കോടതി സമയം നല്‍കുകയും ചെയ്തു. പിന്നീട് നവ്‌ലാഖയെ പൂനെയിലേക്ക് കൊണ്ടുപോവാന്‍ അനുമതി നല്‍കി കീഴ്‌ക്കോടതി നല്‍കിയ ഉത്തരവ് ഡല്‍ഹി ഹൈക്കോടതി റദ്ദാക്കി. കൂടാതെ വീട്ടുതടങ്കലില്‍ നിന്ന് മോചിപ്പിക്കാന്‍ ഉത്തരവിടുകയും ചെയ്തു. കേസില്‍ ആനന്ദ് തെല്‍തുംബ്‌ദെയെ അറസ്റ്റ് ചെയ്തിരുന്നില്ല. എന്നാല്‍ അദ്ദേഹത്തിന്റെ വീട്ടില്‍ പോലിസ് പരിശോധന നടത്തിയിരുന്നു. മാവോവാദികള്‍ക്ക് പണവും ആയുധവും ലഭ്യമാക്കുന്നതിന് ഇവര്‍ സഹായം ചെയ്തതുമായി ബന്ധപ്പെട്ട രേഖകള്‍ കണ്ടെടുത്തുവെന്നാണ് പോലിസ് വാദിക്കുന്നത്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss