|    Jun 25 Mon, 2018 3:12 pm

കടല്‍ഭിത്തി നിര്‍മാണം ഉടന്‍ പൂര്‍ത്തിയാക്കുമെന്ന് സ്പീക്കര്‍

Published : 1st June 2018 | Posted By: kasim kzm

പൊന്നാനി: കടല്‍ഭിത്തിയില്ലാത്ത ഭാഗങ്ങളില്‍ ഉടന്‍ ഭിത്തി നിര്‍മിക്കുമെന്ന് സ്പീക്കര്‍ പി ശ്രീരാമകൃഷ്ണന്‍. പൊന്നാനിയിലെ കടലാക്രമണ പ്രദേശങ്ങളും ദുരിതാശ്വാസ ക്യാംപുകളും സന്ദര്‍ശിച്ചതിനുശേഷമാണ് സ്പീക്കര്‍ ഇങ്ങനെയൊരു ഉറപ്പ് ദുരിത ബാധിതര്‍ക്ക് നല്‍കിയത്.
കടല്‍ഭിത്തി നിര്‍മാണം നടന്നുകൊണ്ടിരിക്കുന്ന ഭാഗങ്ങളില്‍ വേഗത്തില്‍ പൂര്‍ത്തിയാക്കാനും ബന്ധപ്പെട്ടവര്‍ക്ക് സ്പീക്കര്‍ നിര്‍ദേശംനല്‍കി. ഇന്നലെ വൈകുന്നേരമാണ് കടലാക്രമണ ബാധിത പ്രദേശങ്ങളും ദുരിതബാധിതരെ താല്‍ക്കാലികമായി പുനരധിവസിപ്പിച്ച ദുരിതാശ്വാസ ക്യാംപിലും സ്പീക്കര്‍ പി ശ്രീരാമകൃഷ്ണന്‍ സന്ദര്‍ശനം നടത്തിയത്.
പാലപ്പെട്ടി കാപ്പിരിക്കാട് മേഖലയിലാണ് ഏറ്റവും കൂടുതല്‍ കടലാക്രമണമുണ്ടായത്. ഈ ഭാഗത്ത് തകര്‍ന്ന വീടുകളൂം സ്പീക്കര്‍ നേരില്‍ കണ്ടു. ശാസ്ത്രീയമായ രീതിയിലുള്ള കടല്‍ഭിത്തി നിര്‍മിക്കാനാണ് സര്‍ക്കാര്‍ ശ്രമിക്കുന്നതെന്നും എന്നാല്‍ ഇതിനു കാലതാമസം വരുമെന്നതിനാല്‍ അടിയന്തര പ്രാധാന്യമുള്ള ഭാഗങ്ങളില്‍ ഉടന്‍ കടല്‍ ഭിത്തി നിര്‍മിക്കുമെന്നും സ്പീക്കര്‍ പറഞ്ഞു.
തുടര്‍ന്ന് പാലപ്പെട്ടി സ്‌കൂളിലെ ദുരിതാശ്വാസ ക്യാംപിലും സ്പീക്കര്‍ സന്ദര്‍ശനം നടത്തി. 11 കുടുംബങ്ങളാണ് ക്യാംപിലുള്ളത്. സ്പീക്കറോടൊപ്പം പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് പി എം ആറ്റുണ്ണിതങ്ങള്‍, തഹസില്‍ദാര്‍ ജി  നിര്‍മല്‍കുമാര്‍, ഫിഷറീസ് ഡിഡി ജയനാരായണന്‍ എന്നിവരുമുണ്ടായിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss