|    Dec 14 Fri, 2018 6:29 am
FLASH NEWS

കടലാക്രമണം: ചവറ ഐആര്‍ഇ ലൈറ്റ് ഹൗസ് അപകടാവസ്ഥയില്‍

Published : 16th July 2018 | Posted By: kasim kzm

ചവറ: കടലാക്രമണം രൂക്ഷമായതോടെ ചവറയിലെ തീരദേശമേഖലയില്‍ സ്ഥിതിചെയ്യുന്ന ഐആര്‍ഇ ലൈറ്റ് ഹൗസ് അപകടാവസ്ഥയില്‍. കടല്‍ക്ഷോഭത്താല്‍ ലൈറ്റ് ഹൗസിലേക്ക് വെള്ളമിരച്ചുകയറുകയാണ്. ചവറ കോവില്‍ത്തോട്ടം 132 ലാണ് ലൈറ്റ് ഹൗസ് സ്ഥിതി ചെയ്യുന്നത്. രാത്രി കാലങ്ങളില്‍ മല്‍സ്യതൊഴിലാളികള്‍ക്ക് തീരം അറിയാന്‍ സഹായകമാകുന്ന ലൈറ്റ് ഹൗസാണ് കടലാക്രമണ ഭീഷണിയിലായിരിക്കുന്നത്. ഇവിടെ സംരക്ഷണ ഭിത്തിയും തകര്‍ത്ത് കടല്‍കയറ്റമായതോടെ ലൈറ്റ് ഹൗസ് തകര്‍ച്ചയിലായി നില്‍ക്കുകയാണ്. ഇവിടെ താമസിക്കുന്ന നൂറിലധികം കുടുംബങ്ങളും ബുദ്ധിമുട്ടിലാണ്. കേന്ദ്ര പൊതുമേഖല സ്ഥാപനമായ  ഐആര്‍ഇയുടെ ലൈറ്റ് ഹൗസും തീരവും സംരക്ഷിക്കാന്‍  അധികൃതര്‍  തയ്യാറാകണമെന്നാവശ്യം ശക്തമായി. ശക്തമായ തിരമാലയില്‍ കോവില്‍ത്തോട്ടം സെന്റ്  ആന്‍ഡ്രൂസ് ദേവാലയത്തിലെ സെമിത്തേരിയും ഭീഷണി നേരിടുകയാണ്. തിരമാലകള്‍ കരയിലേക്ക് തുടരെ പതിക്കുന്നതിനാല്‍ കടല്‍വെള്ളം സെമിത്തേരിയിലും ദേവാലയ പരിസരത്തേയ്ക്കും ഒഴുകിയെത്തുകയാണന്ന് പ്രദേശവാസികള്‍ പറയുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss