|    Jul 16 Mon, 2018 8:38 am

കടലാക്രമണം: ഉറക്കമില്ലാതെ അവര്‍ കഴിച്ചു കൂട്ടിയത് മണിക്കൂറുകള്‍

Published : 4th December 2017 | Posted By: kasim kzm

കാസര്‍കോട്: ഓരോ തിരയും അലയടിച്ച് വരുമ്പോള്‍ അവരുടെ നെഞ്ചില്‍ ഭീതിയുടെ കനല്‍. പിഞ്ചു മക്കളെ മാറോടണച്ച് എങ്ങോട്ടു പോകണമെന്നറിയാതെ അവര്‍ കൊച്ചു കുരയില്‍ കഴിച്ചുകൂട്ടിയത് മണിക്കൂറുകളോളം.
ശനിയാഴ്ച പകല്‍ കടല്‍ക്ഷോഭിച്ചിരുന്നുവെങ്കിലും ഉച്ചയായപ്പോള്‍ പഴയതുപോലെയായി. രാത്രി പത്തോടെയാണ് കടലിന്റെ ഗതി മാറിയതെന്ന് ചേരങ്കൈ കടപ്പുറത്തേ ഹമീദ് ചേരങ്കൈയും നാട്ടുകാരും ഒന്നടങ്കം പറഞ്ഞു. രാത്രി പത്തോടെ തീരപ്രദേശത്ത് ആളുകള്‍ എത്തി.
എന്‍ എ നെല്ലിക്കുന്ന് എംഎല്‍എ, ജില്ലാ കലക്ടര്‍ കെ ജീവന്‍ ബാബു, കാസര്‍കോട് പ്രിന്‍സിപ്പല്‍ എസ്‌ഐ പി അജിത്കുമാര്‍ തുടങ്ങിയവരുടെ നേതൃത്വത്തിലുള്ള പോലിസ് സംഘവും എത്തി.
കടലിനോട് ചേര്‍ന്നുള്ള വീടുകളില്‍ ചെന്ന് ഇവരോട് മാറി താമസിക്കാന്‍ നിര്‍ദ്ദേശിച്ചു. ചിലര്‍ ബന്ധുവീടുകളിലേക്ക് പോയി. പോകാന്‍ ഇടമില്ലാത്തവര്‍ വീട്ടില്‍ നിന്ന് പുറത്തിറങ്ങി. ഇവര്‍ക്ക് താമസിക്കാനായി നെല്ലിക്കുന്ന് അന്‍വാറുല്‍ ഉലൂം എയുപി സ്‌കൂളില്‍ സൗകര്യവും ഒരുക്കിയിരുന്നു.
പലരും ഉറക്കമിളച്ച് പുലര്‍ച്ചവരെ നിന്നു. ഇന്നലെ പുലര്‍ച്ചെയോടെ കടല്‍ ശാന്തമാകുന്നത് വരെ.  രണ്ട് ദിവസങ്ങളായി കടല്‍ തീരത്തുള്ളവര്‍ ആശങ്കയോടെയാണ് കഴിയുന്നത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss