|    Oct 19 Thu, 2017 9:43 pm
FLASH NEWS

കടത്തനാടിന് കൗമാര വിരുന്നൊരുക്കി ബി-സോണ്‍

Published : 29th February 2016 | Posted By: SMR

വടകര: ആയോധന കലകളും വടക്കന്‍ പാട്ടിന്റെ ഈണങ്ങളും ഹൃദയത്തിലാവാഹിച്ച കടത്തനാടന്‍ മണ്ണില്‍ കലാ മാമാങ്കത്തിന്റെ വര്‍ണ രാജികള്‍ തീര്‍ത്ത് ബി-സോണ്‍ കലോല്‍സവം. അഞ്ചു ദിവസങ്ങളിലായി തിരുവള്ളൂരില്‍ നടക്കുന്ന പരിപാടിയില്‍ ഇന്നലെ ആസ്വാദകരെ കൊണ്ട് സദസ്സ് നിറഞ്ഞു. 93 കോളജുകളില്‍ നിന്ന് മുവ്വായിരത്തോളം പ്രതിഭകളാണ് മാറ്റുരയ്ക്കുന്നത്.
പ്രധാന വേദിയായ ഒന്നാം സ്റ്റേജില്‍ മാപ്പിളപ്പാട്ട് ഗ്രൂപ്പ്, അറബന, ദഫ് തുടങ്ങിയ മാപ്പിള കലകള്‍ ഇന്നലെ അരങ്ങേറിയത്. ഇതിനോട് ചേര്‍ന്ന നാടക, സ്‌കിറ്റ് മല്‍സരങ്ങള്‍ അരങ്ങേറിയ രണ്ടാം വേദിയിലും നിറയെ ആസ്വാദകരെത്തി. നാടോടി നൃത്ത മല്‍സരങ്ങള്‍ നടന്ന മൂന്നാം വേദിയിലും ആസ്വാദകര്‍ നിറഞ്ഞിരുന്നു.
നാളെയാണ് ഒപ്പന നടക്കുന്നത്. കഴിഞ്ഞ ദിവസമുണ്ടായ വിവിധ പിഴവുകള്‍ പരിഹരിക്കാന്‍് ഇന്നലെ സംഘാടകര്‍ പ്രത്യേകം ശ്രദ്ധ ചെലുത്തിയിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക