|    Jun 28 Wed, 2017 2:30 am
FLASH NEWS
Home   >  Todays Paper  >  Page 4  >  

കടകംപള്ളിക്കെതിരേ എസ്ഡിപിഐ പരാതി നല്‍കി

Published : 21st April 2017 | Posted By: fsq

 

മലപ്പുറം: മലപ്പുറം ജില്ലയിലെ വോട്ടര്‍മാരെ വര്‍ഗീയമായി ആക്ഷേപിച്ച് സത്യപ്രതിജ്ഞാലംഘനം നടത്തിയ മന്ത്രി കടകംപള്ളി സുരേന്ദ്രനെതിരേ നടപടിയാവശ്യപ്പെട്ട് എസ്ഡിപിഐ ജില്ലാ ജനറല്‍ സെക്രട്ടറി ടി എം ഷൗക്കത്ത് ഗവര്‍ണര്‍ക്ക് പരാതി നല്‍കി. മുഴുവന്‍ ജനങ്ങള്‍ക്കും സമത്വവും തുല്യതയും വിഭാവനം ചെയ്യുന്ന ഭരണഘടനയെ സാക്ഷിനിര്‍ത്തി സത്യപ്രതിജ്ഞ ചെയ്ത് അധികാരമേറ്റ ഭരണാധികാരിയില്‍നിന്ന് ഉണ്ടാവാന്‍പാടില്ലാത്ത പരാമര്‍ശമാണ് മന്ത്രിയില്‍നിന്നുണ്ടായിരിക്കുന്നത്. വര്‍ഗീയ പരാമര്‍ശത്തിലൂടെ സത്യപ്രതിജ്ഞാലംഘനം നടത്തിയ മന്ത്രിയെ തല്‍സ്ഥാനത്ത് തുടരാന്‍ അനുവദിക്കരുതെന്നും പരാതിയില്‍ പറയുന്നു. ജില്ലയിലെ ജനങ്ങളെ ഒന്നടങ്കം ആക്ഷേപിച്ച മന്ത്രി കടകംപള്ളി സുരേന്ദ്രനെതിരേ ശക്തമായ നിയമനടപടികളും പ്രക്ഷോഭവുമായി മുന്നോട്ടുപോവുമെന്ന് എസ്ഡിപിഐ ജില്ലാ പ്രസിഡന്റ് ജലീല്‍ നീലാമ്പ്ര വ്യക്തമാക്കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക