|    Oct 20 Fri, 2017 4:29 pm
FLASH NEWS

കഞ്ചാവ് ചെടി നട്ടുവളര്‍ത്തിയ പ്രതികള്‍ അറസ്റ്റില്‍

Published : 21st March 2016 | Posted By: SMR

ആലുവ: ചൂര്‍ണിക്കര വില്ലേജ് ഓഫിസിന് സമീപമുള്ള ഇതര സംസ്ഥാന തൊഴിലാളികള്‍ താമസിച്ചുവരുന്ന വാടകക്കെട്ടിടത്തിന്റെ പുറകില്‍ ചെടിച്ചട്ടിയിലും പറമ്പിലുമായി കഞ്ചാവ് ചെടി നട്ടുവളര്‍ത്തിയ പ്രതികളെ ആലുവ ഈസ്റ്റ് എസ് ഐ ഹണി കെ ദാസും സംഘവും അറസ്റ്റുചെയ്തു.
ഒറീസ്സ മറ്റപാംഗിയില്‍ മുന്ന സിംഗ് (25), ഒറീസ്സ കദ്ബക്കയില്‍ പവിത്ര ഷാഹുല്‍ (37) എന്നിവരാണ് അറസ്റ്റിലായത്.
മറ്റ് സംസ്ഥാനങ്ങളില്‍ നിന്നും വന്ന് ഇവിടെ ജോലി നോക്കി വരുന്നവരില്‍ കഞ്ചാവിന്റെ ഉപയോഗം വര്‍ധിച്ചു വരുന്നത് ശ്രദ്ധയില്‍പ്പെട്ടതിനെ തുടര്‍ന്ന് ഇവരുടെ താമസ സ്ഥലങ്ങളില്‍ ആലുവ ഡിവൈഎസ്പി വൈ ആര്‍ റസ്റ്റത്തിന്റെ മേല്‍നോട്ടത്തില്‍ പൊലിസ് നടത്തിയ പരിശോധനയിലാണ് കഞ്ചാവ് ചെടി നട്ടുവളര്‍ത്തുന്നത് ശ്രദ്ധയില്‍പ്പെട്ടത്.
അന്വേഷണ സംഘത്തില്‍ എസ്‌ഐ ശശീന്ദ്രന്‍, എഎസ്‌ഐ അബ്ദുള്‍ ഖാദര്‍, സിപിഒ മുഹമ്മദാലി, ജോയി ചെറിയാന്‍, നൗഷാദ്, ദര്‍ശന്‍ എന്നിവരും ഉണ്ടായിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക