|    May 24 Wed, 2017 2:18 am
FLASH NEWS

കഞ്ചാവ് കടത്ത്; യുവാവിന് മൂന്ന് വര്‍ഷം കഠിന തടവും പിഴയും

Published : 20th November 2015 | Posted By: SMR

തൊടുപുഴ: രണ്ട് കിലോ (2) കഞ്ചാവുമായി കുമളി എക്‌സൈസ് ചെക്ക് പോസ്റ്റിന് സമീപത്ത് നിന്ന് പിടിയിലായ കേസില്‍ ചേര്‍ത്തല കുറുപ്പന്‍കുളങ്ങര, കിഴക്കന്‍ഇല്ലിക്കാവില്‍ സുധീഷ് (27) എന്ന ഉണ്ണിക്ക് മൂന്നുകൊല്ലം കഠിന തടവും 25000 രൂപ പിഴയും തൊടുപുഴ എന്‍ഡിപിഎസ് സ്‌പെഷ്യല്‍ കോടതി ജഡ്ജി എസ് ഷാജഹാന്‍ ശിക്ഷ വിധിച്ചു.
പിഴയടച്ചില്ലെങ്കില്‍ മൂന്നു മാസം കൂടി കഠിന തടവ് അനുഭവിക്കണം. 2014 സപ്തംബര്‍ മൂന്നിന് കുമളി എക്‌സൈസ് ചെക്ക് പോസ്റ്റിലെ ഇന്‍സ്‌പെക്ടര്‍ തോമസ് ജോസഫും പാര്‍ട്ടിയും വാഹനങ്ങള്‍ പരിശോധിക്കുന്നതിനിടെയാണ് പ്രതിയെ പിടികൂടിയത്.ആലപ്പുഴയിലും മറ്റും എത്തുന്ന ടൂറിസ്റ്റുകള്‍ക്ക് നല്‍കുന്നതിനാണു കഞ്ചാവ് കടത്തുന്നതെന്ന് എക്‌സൈസ് ഉദ്യോഗസ്ഥന്‍മാരുടെ ചോദ്യം ചെയ്യലില്‍ പ്രതി വെളിപ്പെടുത്തിയിരുന്നു.
വണ്ടിപ്പെരിയാര്‍ എക്‌സൈസ് ഇന്‍സ്‌പെക്ടര്‍ സി കെ സുനില്‍രാജ് അന്വേഷണം പൂര്‍ത്തിയാക്കി ചാര്‍ജ് ചെയ്ത കേസില്‍ ഒമ്പത് സാക്ഷികളെയും 10ഓളം രേഖകളും പ്രോസിക്യൂഷന്‍ ഹാജരാക്കി. പ്രോസിക്യൂഷനു വേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ പി എച്ച് ഹനീഫാ റാവുത്തര്‍ ഹാജരായി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day