|    Sep 24 Sun, 2017 10:20 am
FLASH NEWS

കഞ്ചാവ് കടത്തിയ കേസിലെ മുഖ്യസൂത്രധാരകന്‍ മോഷണക്കേസിലും പ്രതിയെന്ന് സൂചന

Published : 17th February 2016 | Posted By: SMR

കാസര്‍കോട്: കഴിഞ്ഞ ദിവസം മഞ്ചേശ്വരം തൂമിനാട് വച്ച് കാറില്‍ 80 കിലോ കഞ്ചാവ് കടത്തുന്നതിനിടയില്‍ രക്ഷപ്പെട്ട മൂന്നംഗ സംഘത്തിലെ മുഖ്യസൂത്രധാരന്‍ ഒരു മാസം മുമ്പ് കാസര്‍കോട് നഗരത്തില്‍ വച്ച് വ്യാപാരിയുടെ ഒന്നര കിലോ സ്വര്‍ണ കൊള്ളയടിച്ച സംഘത്തിലെ ആളാണെന്ന് പോലിസിന് സൂചന ലഭിച്ചു. ഇതിന്റെ അടിസ്ഥാനത്തില്‍ ഇയാള്‍ക്കായി പോലിസ് വ്യാപകമായി തിരച്ചില്‍ നടത്തിവരികയാണ്. കഴിഞ്ഞ ദിവസം മൂന്നംഗ സംഘമാണ് കാറില്‍ ആന്ധ്രയില്‍ നിന്ന് കാസര്‍കോട്ടേക്ക് കഞ്ചാവ് കടത്തിയത്. മൂന്നുപേരും പോലിസിനെ കണ്ട് കാറും കഞ്ചാവും ഉപേക്ഷിച്ച് രക്ഷപ്പെടുകയായിരുന്നു. പൈവളിഗെയിലെ ഹമീദാണ് മുഖ്യസൂത്രധാരനെന്നാണ് പോലിസ് സംശയിക്കുന്നത്. ജനുവരി 12ന് രാത്രി ഏഴിന് കാസര്‍കോട് തുളുനാട് കെഎസ്ആര്‍ടിസി ഡിപ്പോയ്ക്ക് സമീപത്ത് വച്ചാണ് തൃശൂര്‍ സ്വദേശിയായ ആഭരണ വിതരണക്കാരന്‍ ടോണിയുടെ സ്വര്‍ണാഭരണങ്ങള്‍ അടങ്ങിയ ബാഗ് സ്വിഫ്റ്റ് കാറിലെത്തിയ സംഘം കൊള്ളയടിച്ച് രക്ഷപ്പെട്ടത്. ഇതിന്റെ അന്വേഷണം നടന്നുവരികയാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക