|    Jan 20 Fri, 2017 1:30 pm
FLASH NEWS

കഞ്ചാവ് കടത്താന്‍ ശ്രമിച്ച യുവാവിന് അഞ്ചുവര്‍ഷം കഠിന തടവും പിഴയും

Published : 13th March 2016 | Posted By: SMR

തൊടുപുഴ: ഒരുകിലോ കിലോ നൂറുഗ്രാം (1.100 കി) കഞ്ചാവ് കടത്താന്‍ ശ്രമിച്ച കേസില്‍ കോട്ടയം ജില്ലയില്‍ മുട്ടമ്പലം വില്ലേജ് പനയക്കഴപ്പ് കരയില്‍ വില്ലൂത്തറ വീട്ടില്‍ ബാബുമോന് (37)അഞ്ചുകൊല്ലം കഠിന തടവും അര ലക്ഷം രൂപ പിഴയും തൊടുപുഴ എന്‍.ഡി.പി.എസ്. സ്‌പെഷല്‍ കോടതി ജഡ്ജി എസ് ഷാജഹാന്‍ ശിക്ഷ വിധിച്ചു. പിഴയടച്ചില്ലെങ്കില്‍ ആറു മാസം കൂടി കഠിന തടവ് അ്രനുഭവിക്കണം.
2014 ഏപ്രില്‍ ഒന്നിന് ഉച്ചക്ക് 12നു കോട്ടയം കുമളി റോഡരികില്‍ കളത്തിപ്പടി മരിയന്‍ സ്‌കൂളിന് മുന്‍വശം പ്രതി കഞ്ചാവുമായി നില്‍പ്പുണ്ടെന്ന രഹസ്യം വിവരം ലഭിച്ചതിനെ തുടര്‍ന്ന് കോട്ടയം എക്‌സൈസ് എന്‍ഫോര്‍സ്‌മെന്റ് ആന്റ് ആന്റി നാര്‍കോട്ടിക്‌സ് സ്‌പെഷല്‍ സ്‌ക്വാഡ് എക്‌സൈസ് ഇന്‍സ്‌പെക്ടര്‍ രാജേഷ് ബി ചിറയത്തും പാര്‍ട്ടിയും സ്ഥലത്തെത്തി ഇയാളുടെ കൈവശമിരുന്ന പ്ലാസ്റ്റിക് സഞ്ചിയില്‍ നിന്ന് കഞ്ചാവ് കണ്ടെത്തി അറസ്റ്റ് ചെയ്യുകയായിരുന്നു.
കോട്ടയം എക്‌സൈസ് എന്‍ഫോര്‍സ്‌മെന്റ് ആന്റ് ആന്റി നാര്‍കോട്ടിക്‌സ് സ്‌പെഷല്‍ സ്‌ക്വാഡ് സര്‍ക്കിള്‍ ഇന്‍സ്‌പെക്ടര്‍ ടി രാജു അന്വേഷണം നടത്തി ചാര്‍ജു ചെയ്ത കേസില്‍ 21 സാക്ഷികളും പതിനാറ് രേഖകളും പ്രോസിക്യൂഷന്‍ ഹാജരാക്കി.പ്രോസിക്യൂഷനു വേണ്ടി സ്‌പെഷ്യല്‍ പബഌക് പ്രോസിക്യൂട്ടര്‍ പി എച്ച് ഹനീഫാ റാവുത്തര്‍ ഹാജരായി.

Share on FacebookShare on Google+Tweet about this on TwitterShare on LinkedIn
(Visited 58 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക