|    Jan 19 Thu, 2017 3:55 am
FLASH NEWS

കഞ്ചാവുമായി യുവാക്കള്‍ പിടിയില്‍

Published : 10th November 2015 | Posted By: swapna en

തൊടുപുഴ :കുമളി വഴി ബൈക്കില്‍ കടത്തിയ അരക്കിലോ കഞ്ചാവ് എക്‌സൈസ് ചെക്ക്‌പോസ്റ്റില്‍   എക്‌സൈസ് ഉദ്ദ്യോഗസ്ഥര്‍ പിടികൂടി. വണ്ടിപ്പെരിയാര്‍ എക്‌സൈസ് ഇന്‍സ്‌പെക്ടര്‍ സി കെ സുനില്‍രാജിന്റെ നേതൃത്വത്തില്‍ കുമളി എക്‌സൈസ് ചെക്ക്‌പോസ്റ്റില്‍ നടത്തിയ വാഹന പരിശോധനയിലാണ് കഞ്ചാവ് പിടിച്ചത്.
കുട്ടനാട് കൈനകരി പുതുവല്‍ വീട്ടില്‍ ജിമ്മി പീറ്റര്‍(22), നെടുമുടി സരിത ഭവനത്തില്‍ സനീഷ്(23)  എന്നിവരെയാണ് അറസ്റ്റ് ചെയ്തത്.തമിഴ്‌നാട് കമ്പത്ത് നിന്നുമാണ് കഞ്ചാവ് വാങ്ങിയതെന്ന്  പ്രതികള്‍ മൊഴി നല്‍കി. കേസിലുള്‍പ്പെട്ട കൂടുതല്‍ പ്രതികളെ കണ്ടെത്താനുളള അന്വേഷണം ആരംഭിച്ചതായി എക്‌സൈസ് ഇന്‍സ്‌പെക്ടര്‍ പറഞ്ഞു. പ്രതികളെ പീരുമേട് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയില്‍ ഹാജരാക്കും.പ്രിവന്റീവ് ഓഫിസര്‍മാരായ സേവ്യര്‍, ഡൊമിനിക്ക്, ഷാഫി അരവിന്ദാക്ഷ്, സിവില്‍ എക്‌സൈസ് ഓഫിസര്‍മാരായ രാജ്കുമാര്‍ ബി, രവി വി, അനീഷ് ടി എ , കൃഷ്ണകുമാര്‍, എല്‍ദോസ്  എന്നിവര്‍ ചേര്‍ന്നാണ് കേസ് കണ്ട്പിടിച്ചത്.

Share on FacebookShare on Google+Tweet about this on TwitterShare on LinkedIn
(Visited 57 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക