|    Sep 21 Fri, 2018 10:56 pm
FLASH NEWS

കക്കൂസ് മാലിന്യം പറമ്പില്‍ തള്ളിയ സംഭവം; പ്രശ്‌നം പരിഹരിച്ചു

Published : 19th May 2018 | Posted By: kasim kzm

തൃക്കരിപ്പൂര്‍: ശൗചാലയ മാലിന്യം ജനസാന്ദ്രതയുള്ള പ്രദേശത്തെ കിണറിന് സമീപം നിക്ഷേപിച്ച സംഭവം പോലിസിന്റെയും ജനപ്രതിനിധികളുടെയും സാന്നിധ്യത്തില്‍ നടന്ന ചര്‍ച്ചയെ തടര്‍ന്ന് ഒത്തുതീര്‍പ്പാക്കി. ശൗചാലയ മാലിന്യം നിക്ഷേപിച്ചതിനെ തുടര്‍ന്ന് പ്രദേശത്ത് ദുര്‍ഗന്ധം വമിക്കാന്‍ തുടങ്ങി. ഇതോടെ നാട്ടുകാര്‍ പഞ്ചായത്ത് ഓഫിസിലെത്തി പരാതിപ്പെട്ടു. കഴിഞ്ഞ ചൊവ്വാഴ്ച രാത്രിയാണ്  നിരവധിവീടുകളുള്ള പേക്കടം കുറുവാ പള്ളി ജങ്ഷനിലെ ക്വര്‍ട്ടേഴ്‌സിലെ ശൗചാലയ മാലിന്യം ഒഴുക്കിവിട്ടത്. എന്നാല്‍ പഞ്ചായത്തില്‍ പരാതി നല്‍കിയിട്ടും നടപടി സ്വീകരിക്കാത്തതിനെ തുടര്‍ന്ന് കഴിഞ്ഞ ദിവസം രാവിലെ പഞ്ചായത്ത് ഓഫിസിലെത്തി ബഹളം വച്ചു. തുടര്‍ന്ന് പഞ്ചായത്ത് പ്രസി., വാര്‍ഡ് അംഗം, ചന്തേരപോലിസ് എന്നിവര്‍ സ്ഥലത്തെത്തി പരിശോധന നടത്തി. പഞ്ചായത്ത് പ്രസി. വി പി ഫൗസിയ, വൈ. പ്രസി. എന്‍ സുകുമാരന്‍, ചന്തേര പോലിസ്, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ എം കൃഷ്ണന്‍ എന്നിവര്‍ ക്വാട്ടേഴ്‌സ് ഉടമയെ കണ്ട് ചര്‍ച്ച നടത്തി മാലിന്യം നീക്കം ചെയ്യാമെന്ന് സമ്മതിച്ചതോടെയാണ് പ്രശ്‌നം പരിഹരിച്ചത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss