|    Sep 22 Sat, 2018 6:18 pm
FLASH NEWS

കക്കാക്കുന്നില്‍ ആടിനെ തെരുവ് നായ്ക്കള്‍ കടിച്ചു കൊന്നു

Published : 14th January 2018 | Posted By: kasim kzm

ശാസ്താംകോട്ട: ശൂരനാട് തെക്ക് കക്കാക്കുന്ന്, ശാസ്താംകോട്ട എന്നിവിടങ്ങളില്‍ വീടുകളില്‍ വളര്‍ത്തുന്ന ആടുകള്‍ക്കു നേരെ തെരുവ് നായ്ക്കളുടെ ആക്രമണം. വീടിനോട് ചേര്‍ന്ന തൊഴുത്തില്‍ കെട്ടിയിരുന്ന ആടുകളെയാണ് ആക്രമിച്ചത്. കക്കാക്കുന്ന് ഇഞ്ചക്കാട് വിഷ്ണു ഭവനത്തില്‍ വാമദേവന്റെ വീട്ടിലെ ആടിനെയാണ് നായ്ക്കള്‍ കടിച്ചു കൊന്നത്. കക്കാക്കുന്ന് കാഞ്ഞിക്കല്‍ പടീറ്റതില്‍ മുരളീധരന്‍പിള്ളയുടെയും ശാസ്താംകോട്ട മനക്കര പുഷ്പാലയത്തില്‍ പുരുഷന്റെയും ആടുകള്‍ക്കാണ് മാരകമായി മുറിവേറ്റത്. കഴിഞ്ഞ ദിവസ്സം പുലര്‍ച്ചയോടെയായിരുന്നു സംഭവം. ആടുകളുടെ കരച്ചില്‍ കേട്ട് വീട്ടുകാര്‍ ഉണര്‍ന്നെത്തിയപ്പോഴേക്കും നായ്ക്കള്‍ ഓടി രക്ഷപ്പെട്ടിരുന്നു. കൂട്ടമായെത്തിയാണ് നായ്ക്കള്‍ ആടുകളെ ആക്രമിച്ചത്. പ്രദേശത്ത് മുമ്പും നിരവധി തവണ വളര്‍ത്തു മൃഗങ്ങളെ തെരുവ് നായ്ക്കള്‍ കടിച്ചു കൊന്നിരുന്നു. ശൂരനാട് തെക്ക്, ശാസ്താംകോട്ട, കുന്നത്തൂര്‍ തുടങ്ങിയ പഞ്ചായത്തുകളില്‍ തെരുവ് നായ്ക്കളുടെ ശല്യം രൂക്ഷമാണ്. നിരവധി തവണ കുട്ടികളടക്കമുള്ള  പ്രദേശവാസികള്‍ക്ക് നായ്ക്കളുടെ കടിയേറ്റ സംഭവങ്ങളും ഉണ്ടായിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss