|    Jan 18 Wed, 2017 5:43 pm
FLASH NEWS

ഓസ്‌കാര്‍ പിസ്റ്റോറിയസിന് ജാമ്യം

Published : 9th December 2015 | Posted By: SMR

ജൊഹാനസ്ബര്‍ഗ്: കാമുകിയെ കൊലപ്പെടുത്തിയ കേസില്‍ കുറ്റക്കാരനെന്നു കണ്ടെത്തിയ ദക്ഷിണാഫ്രിക്കന്‍ ഒളിംപ്യന്‍ ഓസ്‌കാര്‍ പിസ്റ്റോറിയസിന് കോടതി ജാമ്യം അനുവദിച്ചു. 2013ല്‍ കാമുകി റീവ സ്റ്റീന്‍കാംപിനെ കൊലപ്പെടുത്തിയ കേസില്‍ കഴിഞ്ഞയാഴ്ച കോടതി പിസ്റ്റോറിയസിന് 15 വര്‍ഷം തടവു വിധിച്ചിരുന്നു. പിസ്റ്റോറിയസിനെതിരേ ചുമത്തിയിരുന്ന മനപ്പൂര്‍വമല്ലാത്ത നരഹത്യാകേസ് മാറ്റി കോടതി സംഭവം കൊലപാതകമായി പരിഗണിക്കുകയായിരുന്നു. ഭരണഘടനാ കോടതിയില്‍ വിധിക്കെതിരേ പിസ്റ്റോറിയസ് അപ്പീല്‍ സമര്‍പ്പിക്കുമെന്ന് അഭിഭാഷകന്‍ അറിയിച്ചിട്ടുണ്ട്. അടുത്ത വര്‍ഷം ജയിലിലടയ്ക്കുന്നതുവരെ പിസ്റ്റോറിയസ് വീട്ടുതടങ്കലിലായിരിക്കും. വീടിന്റെ 20 കിലോമീറ്റര്‍ ചുറ്റളവില്‍ മാത്രമേ സഞ്ചരിക്കാന്‍ അനുവാദമുണ്ടായിരിക്കുകയുള്ളൂ. 29കാരനായ പിസ്റ്റോറിയസ് വാലന്റൈന്‍സ് ദിനത്തിലാണ് കാമുകിയെ വെടിവച്ചുകൊല്ലുന്നത്. ഇരുട്ടില്‍ കള്ളനാണെന്നു തെറ്റിദ്ധരിച്ച് കാമുകിയെ വെടിവയ്ക്കുകയായിരുന്നെന്നാണു പിസ്റ്റോറിയസിന്റെ വാദം. ഇരുകാലുകളുടെയും സ്വാധീനം നഷ്ടപ്പെട്ട പിസ്റ്റോറിയസ് ആറു തവണ പാരാലിംപിക്‌സില്‍ സ്വര്‍ണമെഡല്‍ നേടിയിട്ടുണ്ട്.

Share on FacebookShare on Google+Tweet about this on TwitterShare on LinkedIn
(Visited 69 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക