|    Jan 21 Sat, 2017 4:22 pm
FLASH NEWS

ഓവുചാലില്‍ വീണ് ബിജെപി എംപിക്ക് പരിക്ക്

Published : 17th May 2016 | Posted By: SMR

ജാംനഗര്‍: ഗുജറാത്തിലെ ബിജെപി എംപി പൂനം മാദത്തിന് ഓവ്ചാലില്‍ വീണ് പരിക്കേറ്റു. ജലാറം മേഖലയില്‍ ചേരി പൊളിച്ചു നീക്കുന്നതില്‍ പ്രതിഷേധിച്ച പ്രദേശവാസികളെ കാണാന്‍ എത്തിയതായിരുന്നു എംപി. ജാംനഗര്‍ മണ്ഡലത്തെയാണ് ഇവര്‍ ലോക്‌സഭയില്‍ പ്രതിനിധീകരിക്കുന്നത്. ഓവുചാലിനു മുകളില്‍ സ്ഥാപിച്ചിരുന്ന കോണ്‍ക്രീറ്റ് ഷീറ്റ് തകര്‍ന്ന് ഇവര്‍ എട്ടടി താഴ്ചയിലേക്ക് വീഴുകയായിരുന്നു. തലയ്ക്ക് നാലിഞ്ച് ആഴത്തിലുള്ള മുറിവ് പറ്റിയതായി എംപിയെ ചികില്‍സിക്കുന്ന ഡോ. എസ് മഹേശ്വരി പറഞ്ഞു. തോളിലും കാലുകളിലും മുറിവേറ്റിട്ടുണ്ട്.
ജലരാം മേഖലയിലെ ചേരി പൊളിച്ചുമാറ്റുന്നതില്‍ പ്രദേശവാസികള്‍ എതിര്‍പ്പുയര്‍ത്തിയതിനെത്തുടര്‍ന്ന് അവരെ അനുനയിപ്പിക്കാനാണ് എംപി സ്ഥലത്തെത്തിയത്. ലോക്ത്തി തടാകത്തിനു സമീപത്തേക്ക് ബന്ധിപ്പിച്ചിരിക്കുന്ന ഓവുചാലില്‍ വേനല്‍ക്കാലമായതിനാല്‍ വെള്ളം കുറവായിരുന്നു. എംപിയുടെ നില തൃപ്തികരമാണെന്ന് ഡോക്ടര്‍മാര്‍ അറിയിച്ചു. ഇവരെ വിദഗ്ധ ചികില്‍സയ്ക്കായി മുംബൈയിലേക്ക് കൊണ്ടുപോയി.

Share on FacebookShare on Google+Tweet about this on TwitterShare on LinkedIn
(Visited 38 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക