|    Feb 24 Sat, 2018 1:59 pm
FLASH NEWS

ഓരോ അറിവും മാനുഷ്യ നന്‍മയ്ക്കായി പ്രയോജനപ്പെടുത്തണം: അലി മണിക്ഫാന്‍

Published : 1st February 2018 | Posted By: kasim kzm

കോഴിക്കോട്: ആര്‍ജ്ജിച്ചെടുക്കുന്ന ഓരോ അറിവുകളും സ്വജീവിതത്തിനും മാനവസമൂഹത്തിനും പ്രയോജനപ്പെടുന്ന രീതിയില്‍ വിനിയോഗിക്കുമ്പോള്‍ മാത്രമേ നമ്മുടെ ജീവിതദൗത്യം പൂര്‍ത്തിയാവുകയുള്ളൂവെന്ന് ഗോള ശാസ്ത്രജ്ഞന്‍ അലി മണിക്ഫാന്‍. അറിവുകള്‍ കുത്തക വല്‍ക്കരിക്കുന്നതിന് പകരം അത് സമൂഹത്തിന് പ്രയോജനപ്പെടുത്താന്‍ വിട്ടു നല്‍കുകയാണ് വേണ്ടതെന്നും അദ്ദേഹം പറഞ്ഞു. മലര്‍വാടി-ടീന്‍ ഇന്ത്യ സംഘടിപ്പിച്ച അസ്‌ട്രോലാബ് 2 കെ18 ദ്വിദിന ജ്യോതിശാസ്ത്ര ശില്പശാല ഉദ്ഘാടനം ചെയ്യുകയായിരുന്നു അദ്ദേഹം. പ്രപഞ്ച വിസ്മയങ്ങളിലൂടെ സഞ്ചാരമൊരുക്കിയാണ് അസ്‌ട്രോലാബ് 2 കെ 18 സംഘടിപ്പിച്ചത്. നെസ്റ്റ് പബ്ലിക് സ്‌കൂളില്‍ നടന്ന പരിപാടിയില്‍ അബ്ബാസ് കൂട്ടില്‍ അധ്യക്ഷത വഹിച്ചു. ശൈഖ് മുഹമ്മദ് കാരകുന്ന്, മുസ്തഫ മങ്കട, ജലീല്‍ മോങ്ങം സംസാരിച്ചു. കോഴിക്കോട് റീജണല്‍ സയന്‍സ് സെന്റര്‍ എഡുക്കേഷന്‍ ഓഫീസര്‍ എം എ സുനില്‍ ശാസ്ത്ര വിസ്മയങ്ങള്‍ അവതരിപ്പിച്ചു. അബൂബക്കര്‍ താനൂര്‍, മനോജ് കോട്ടക്കല്‍, ശബാബ് ചങ്ങരംകുളം ക്ലാസെടുത്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss