|    Nov 17 Sat, 2018 6:55 pm
FLASH NEWS

ഓണ്‍ലൈന്‍ നികുതി വില്ലേജ് ഓഫിസുകളില്‍ തന്നെ സ്വീകരിക്കണമെന്ന് നിര്‍ദേശം

Published : 28th July 2018 | Posted By: kasim kzm

കാളികാവ്: ഓണ്‍ലൈന്‍ ഇ-പേമെന്റ് വസ്തു നികുതി അതത് വില്ലേജ് ഓഫിസുകളില്‍ സ്വീകരിക്കണമെന്ന് നിര്‍ദേശം. ലാന്റ് റവന്യു കമ്മീഷണറാണ് ഉത്തരവിറക്കിയിട്ടുള്ളത്. വില്ലേജിലെത്തുന്ന നികുതിദായകരെ അക്ഷയ കേന്ദ്രങ്ങളിലേക്കും മറ്റു ഇ-സേവന കേന്ദ്രങ്ങളിലേക്കും നിര്‍ബന്ധപൂര്‍വം പറഞ്ഞയക്കുന്നതായി പരാതി ഉയര്‍ന്നിരുന്നു. ഓണ്‍ലൈന്‍ പോക്കുവരവ് നടപ്പാക്കിയ എല്ലാ വില്ലേജുകളിലും ഇതിനുള്ള സൗകര്യമൊരുക്കിയിട്ടുണ്ട്. അതത് ഒഫിസില്‍ കരം സ്വീകരിച്ച് രസീത് നല്‍കാന്‍ കര്‍ശന നിര്‍ദേശം നല്‍കിയിട്ടുണ്ട്.
അക്ഷയ കേന്ദ്രങ്ങളിലും മറ്റു ഇ-സേവന കേന്ദ്രങ്ങളിലും നികുതിയടക്കാന്‍ സൗകര്യമുണ്ടെങ്കിലും ഇതിനുള്ള അനുമതി ആര്‍ക്കും നല്‍കിയിട്ടില്ലെന്നും സര്‍ക്കുലറില്‍ പറയുന്നു. വില്ലേജ് ഓഫിസിലെത്തി കരമടക്കാന്‍ കഴിയാതെ തിരിച്ചുപോരേണ്ടി വന്നാല്‍ മേലധികാരികള്‍ക്ക് പരാതി നല്‍കാവുന്നതാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss