|    Apr 27 Fri, 2018 6:42 am
FLASH NEWS

ഓട്ടോയില്‍ കടത്തിയ 100 കുപ്പി വിദേശ മദ്യവുമായി മൂന്നു പേര്‍ പിടിയില്‍

Published : 10th April 2018 | Posted By: kasim kzm

കല്ലാച്ചി: ഓട്ടോറിക്ഷയില്‍ കടത്തുകയായിരുന്ന നൂറ് കുപ്പി ബീവറേജ് മദ്യവുമായി മൂന്ന് പേരെ നാദാപുരം എക്‌സൈസ് പിടികൂടി. കൊയിലാണ്ടി കീഴരിയൂര്‍ സ്വദേശികളായ പൂക്കോത്ത് മൂത്തല്‍ ബബീഷ് (27), ഒറോക്കുന്നത്ത് മലയില്‍ സുനീതന്‍(38), കാടുള്ള പറമ്പില്‍ നിധീഷ് (31) എന്നിവരെയാണ് നാദാപുരം എക്‌സൈസ് സംഘം അറസ്റ്റ് ചെയ്തത്. കുറ്റിയാടി പേരാമ്പ്ര റോഡില്‍ പട്രോളിങിനിടെ നടത്തിയ പരിശോധനയിലാണ് ഓട്ടോറിക്ഷയില്‍ മദ്യം കണ്ടെത്തിയത്.
ഡ്രൈവറുടെ സീറ്റിനടിയില്‍ നിന്ന് നാല്‍പത് കുപ്പി മദ്യവും, ബാക്കി 60 കുപ്പി മദ്യം പിന്‍ ഭാഗത്ത് രണ്ട് പ്ലാസ്റ്റിക്ക് ചാക്കുകളിലാക്കി സൂക്ഷിച്ച നിലയിലുമായിരുന്നെന്ന് അധികൃതര്‍ പറഞ്ഞു. കൊയിലാണ്ടി മേഖലയിലേക്ക് വില്‍പനയ്ക്കായി കൊണ്ട് പോവുകയായിരുന്നു. ഇവര്‍ സഞ്ചരിച്ചിരുന്ന ഓട്ടോറിക്ഷയും എക്‌സൈസ് സംഘം കസ്റ്റഡിയിലെടുത്തു. നാദാപുരം കോടതി പ്രതികളെ റിമാന്‍ഡ് ചെയ്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss