|    Nov 15 Thu, 2018 7:21 am
FLASH NEWS
Home   >  Todays Paper  >  page 10  >  

ഓഖി: കേന്ദ്രം 209 കോടി നല്‍കി

Published : 25th July 2018 | Posted By: kasim kzm

കൊല്ലം: ഓഖി ദുരിതാശ്വാസ പ്രവര്‍ത്തനങ്ങള്‍ക്കായി കേന്ദ്രസര്‍ക്കാര്‍ സ്റ്റേറ്റ് ഡിസാസ്റ്റര്‍ റസ്‌പോണ്‍സ് ഫണ്ട് (എസ്ഡിആര്‍എഫ്)ല്‍ 76.50 കോടി രൂപയും നാഷനല്‍ ഡിസാസ്റ്റര്‍ റസ്‌പോണ്‍സ് ഫണ്ടില്‍ നിന്ന് 133 കോടിയും കേരള സര്‍ക്കാരിന് നല്‍കിയതായി കേന്ദ്ര കൃഷി- കര്‍ഷകക്ഷേമ മന്ത്രി കൃഷ്ണരാജ് അറിയിച്ചു.
എന്‍ കെ പ്രേമചന്ദ്രന്‍ എംപിയുടെ ചോദ്യത്തിന് മറുപടിയായാണ് ലോക്‌സഭയില്‍ ഇതു പറഞ്ഞത്. തമിഴ്‌നാടിന് 413.55 കോടി രൂപയാണ് ഓഖി ദുരിതാശ്വാസ പ്രവര്‍ത്തനങ്ങള്‍ക്ക് ഈ ഹെഡില്‍ നിന്നു നല്‍കിയത്.
ഓഖി ദുരിതബാധിതരായ പരമ്പരാഗത മല്‍സ്യത്തൊഴിലാളികളുടെ ആശ്വാസത്തിനായി 741.60 ലക്ഷം രൂപയുടെ പദ്ധതി കേരളം കേന്ദ്രത്തിനു സമര്‍പ്പിച്ചു. അതില്‍ 194.40 ലക്ഷം രൂപ കേന്ദ്രാവിഷ്‌കൃത പദ്ധതിയായ ബ്ലൂ റവല്യൂഷന്‍ പദ്ധതിയുടെ കേന്ദ്രവിഹിതമായി കേരളത്തിന് അനുവദിച്ചിട്ടുണ്ടെന്നും മന്ത്രി അറിയിച്ചു. ഈ തുക ഓഖി ദുരന്തത്തില്‍ മല്‍സ്യബന്ധന ബോട്ടുകളും ഉപകരണങ്ങളും നഷ്ടമായവര്‍ക്ക് മല്‍സ്യബന്ധനോപകരണങ്ങള്‍ വാങ്ങുന്നതിനും നഷ്ടപരിഹാരം നല്‍കുന്നതിനുമുള്ള പദ്ധതിയാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss