|    Oct 19 Thu, 2017 12:16 am
FLASH NEWS
Home   >  National   >  

ഓക്‌സിജന്‍ മാസ്‌ക് വഴി അനസ്‌തേഷ്യ വാതകം ശ്വസിച്ച് പിഞ്ചുകുഞ്ഞ് മരിച്ചു

Published : 30th May 2016 | Posted By: G.A.G

mask

ഇന്‍ഡോര്‍ : സര്‍ക്കാര്‍ ആശുപത്രിയില്‍ ഓക്‌സിജന്‍ മാസ്‌ക് വഴി അനസ്‌തേഷ്യയ്ക്കുള്ള വാതകം ശ്വസിച്ചതിനെത്തുടര്‍ന്ന് പിഞ്ചുകുഞ്ഞ് മരിച്ചു. ഇന്‍ഡോറിലെ മഹാരാജാ യശ്വന്ത് റാവു ഹോസ്പിറ്റലിലാണ് ദാരുണസംഭവം.
കുട്ടികള്‍ക്കുള്ള തീവ്രപരിചരണവിഭാഗത്തില്‍ പ്രവേശിപ്പിച്ചിരുന്ന രജ് വീര്‍ എന്ന ഒരു വയസുകാരനാണ് മരിച്ചത്. ജന്‍മനാലുള്ള ഒരു വൈകല്യം മാറ്റാന്‍ ശസ്ത്രക്രിയയ്ക്ക് വിധേയനായ കുഞ്ഞിന് ഓക്‌സിജന്‍ നല്‍കിയപ്പോള്‍ അബദ്ധത്തില്‍ മാറിപ്പോവുകയായിരുന്നു. ഓക്‌സിജന് പകരം നൈട്രസ് ഓക്‌സൈഡ് വാതകമാണ്
കുട്ടിക്ക്  മാസ്‌ക് വഴി ലഭിച്ചത്.

ഒരാഴ്ച മുന്‍പ് മറ്റൊരു കുഞ്ഞും ഇതേ ആശുപത്രിയില്‍ ഇതേ രീതിയില്‍ മരിച്ചതായ വിവരവും പുറത്തു വന്നിട്ടുണ്ട്. അടുത്തിടെ ഉദ്ഘാടനം ചെയ്ത ഓപ്പറേഷന്‍തീയറ്ററിലെ വാതകക്കുഴലുകളില്‍ സംഭവിച്ച തകരാറാണ് അപകടത്തിനിടയാക്കിയതെന്ന് സംശയിക്കുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക