|    Jan 22 Sun, 2017 1:11 am
FLASH NEWS

ഒറ്റമശ്ശേരി കൊലപാതകം: ഒന്നാംപ്രതി പോലിസെന്ന്

Published : 16th November 2015 | Posted By: SMR

ചേര്‍ത്തല: ഒറ്റമശേരിയില്‍ രണ്ടു യുവാക്കളെ ലോറിയിപ്പിച്ച് ക്വട്ടേഷന്‍ മാഫിയ കൊലപ്പെടുത്തിയ സംഭവത്തില്‍ ഒന്നാം പ്രതി പോലിസാണെന്നും ഇതിനു ഉത്തരവാദിയായ ഡിവൈഎസ്പിയെ സസ്‌പെന്റ് ചെയ്യണമെന്നും കുറ്റക്കാരായ മറ്റു ഉദ്യോഗസ്ഥര്‍ക്ക് എതിരെ നടപടി സ്വീകരിക്കണമെന്നും സിപിഐ സംസ്ഥാന സെക്രട്ടറി കാനം രാജേന്ദ്രന്‍ പറഞ്ഞു.
കൊല്ലപ്പെട്ട രണ്ടുപേരുടെയും വീടുകള്‍ സന്ദര്‍ശിച്ച ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു കാനം. ആസൂത്രിതമായ ഗൂഢാലോചനയിലൂടെയാണ് കൃത്യം നടപ്പാക്കിയത്.
നിരവധി തവണ ആക്രമണ ശ്രമം ഉണ്ടായി. ഇതു സംബന്ധിച്ച് പി തിലോത്തമന്‍ എംഎല്‍എയുടെ കത്തു സഹിതം നാട്ടുകാര്‍ ചേര്‍ത്തല ഡിവൈഎസ്പിക്ക് പരാതി നല്‍കിയെങ്കിലും നിസാരമായി തള്ളുകയായിരുന്നു. പ്രദേശത്തെ സ്ത്രികളെയും മാഫിയ സംഘം ഭീഷണിപ്പെടുത്തി.
പോലിസ് കേസ് അന്വേഷണം ഊര്‍ജിതമാക്കണം. സംഭവുമായി ഒരു ബന്ധമില്ലാത്ത യുവാവ് കൊല്ലപ്പെട്ടത് അത്യന്തം ദുഖകരമാണ്. മരണമടഞ്ഞവരുടെ കുടുംബാംഗങ്ങളെ സഹായിക്കാന്‍ സര്‍ക്കാര്‍ തയ്യാറാകണം. മാധ്യമ പ്രവര്‍ത്തകരെ കൈയ്യേറ്റം ചെയ്തല്ല പ്രശ്‌നം പരിഹരിക്കേണ്ടതെന്നും കാനം പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 62 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക