|    Jul 27 Thu, 2017 6:07 pm
FLASH NEWS
Home   >  Todays Paper  >  Page 5  >  

ഒരു കേസിലും പ്രതിയല്ലെന്ന് ഉമ്മന്‍ചാണ്ടിയുടെ സത്യവാങ്മൂലം

Published : 30th April 2016 | Posted By: SMR

കോട്ടയം: കൈയില്‍ പണമായി ഒരു രൂപപോലുമില്ലെന്നും യാതൊരുവിധ കേസിലും പ്രതിയല്ലെന്നും മുഖ്യമന്ത്രി ഉമ്മന്‍ചാണ്ടിയുടെ സത്യവാങ്മൂലം. പണമായി ഭാര്യ മറിയാമ്മയുടെ കൈവശം 10,516 രൂപയും മകന്‍ ചാണ്ടി ഉമ്മന്റെ കൈവശം 942 രൂപയുണ്ടെന്നും ഇന്നലെ നാമനിര്‍ദേശ പത്രികയോടൊപ്പം സമര്‍പ്പിച്ച സത്യവാങ്മൂലത്തില്‍ പറയുന്നു.
ഉമ്മന്‍ചാണ്ടിക്ക് 1,04,880 രൂപ വിലയുള്ള 38 ഗ്രാം സ്വര്‍ണവും ഭാര്യക്ക് 8,16,960 രൂപ വിലയുള്ള 296 ഗ്രാം സ്വര്‍ണവുമുണ്ട്. ഭാര്യയുടെയും മകന്റെയും പേരിലായി മൂന്നു ലക്ഷം രൂപവിലയുള്ള മാരുതി സ്വിഫ്റ്റ് കാറുണ്ട്. ഉമ്മന്‍ചാണ്ടിക്ക് 97,160 രൂപയുടെ നിക്ഷേപവും ജയ്ഹിന്ദ് ടിവിയിലടക്കം വിവിധ സ്ഥാപനങ്ങളിലായി 1,19,800 രൂപയുടെ ഓഹരിയുമുണ്ട്.
ഭാര്യക്ക് 10,57,524.47 രൂപയുടെ ബാങ്ക് നിക്ഷേപവും മുത്തൂറ്റ് ഫിനാന്‍സില്‍ 11 ലക്ഷം രൂപയുടെ കടപ്പത്രവുമുണ്ട്. മകന് 5,08,929 രൂപയുടെ നിക്ഷേപവും മുത്തൂറ്റ് ഫിനാന്‍സില്‍ എട്ടുലക്ഷം രൂപയുടെ കടപ്പത്രവുമുണ്ട്. ഉമ്മന്‍ചാണ്ടിക്ക് ഭൂമിയോ കടബാധ്യതയോ ഇല്ല. ഭാര്യക്ക് ഹൗസിങ് ലോണ്‍ അടക്കം 18,47,555 രൂപ കടബാധ്യതയും 13.25 സെന്റ് സ്ഥലവും വീടുമുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക